TITUS
Johannes Fischart, Geschichtsklitterung
Part No. 586
Previous part

Paragraph: 4      Hirauff macht sich Gargantoa auff sein schwantzlappenmaul vnd zusampt jm alle seine obgedachte mitgefärten zu Roß : Vnd als er vnterwegen ein grossen hohen baum antraf, welchen man gemeinlich S. Martins baum nant, dieweil er auß des guten heiligen Bilgerstab, den er einmal dahin gepflantzt, soll gewachssen sein (wie der Dornstrauch im Page of re-edition: 350  Schonbach von des Hertzogs Eberhard5 mit dem Bart Laubstrauß) da macht er jhm ein Spanisch Bäselosmanos, Page: 454   vnd sprach, Sehe da, was mir gefehlet hat : dieser baum soll mir für ein Leytstab vnnd Spieß dienen : riß jhn derwegen flugs leichtfertig auß wie ein anderer Christoffel, behieb jhm die äst, vnnd machts wie jhrs6 gern eßt7. Vnter des stallet sein Libysch Maulthier die blaß zuentlähren : vnd dasselbige so vberflüssig, daß auff siben meilen ein Flut drauß ward, als ob das Mör ein Thamm inn Seeland eingerissen hett. Auch8 luff alles das Seychwasser an den furt zu Vede, vnnd schwemmet den fluß so blötzlich vnnd gewaltig, daß alle die daselbst ligenden geschwader der Feind9 schrecklich ersoffen, außgenommen etlich wenig, die den weg zur lincken auff die höhe namen.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.