TITUS
Johannes Fischart, Geschichtsklitterung
Part No. 592
Previous part

Paragraph: 4      Demnach hub Rumsteig23 eine der Kugel auff, vnd sprach : dz sind schüß auß stuck büchsen, welche zu ewerm Son verräterlich auß Vede newlich geschossen worden : Aber sie haben es wol mit der haut bezalt, dann das Schloß hat sie im Sturm all erschlagen, wie die Philister, da Samson blindenmäusig die Seulen vmbriß24. Derhalben wer mein Rhat, Page: 462   daß man dem glück nachstellt, allweil es getreulich mit vns hält. Dann des Truckers zu franckfort Frau25 Gelegenheit, hat nur haarlock an der Stirnen breit, vbersicht mans, daß man sie nit vornen darbei erwischt, so ist sie entwischt, dann hinden zu ist sie kaahl, vnd nimmer zuerhaschen vberall. Wann kompt Hanß Fug, so sehe vnnd lug, vnnd thu jhm gnug, Kommet aber Fritz Regenspat so dörrt rhat vnd that. Warlich, sprach Grangosier, das kan jetzund so einsmals nicht sein, dann ich muß euch disen abend vor den Willkomm schencken : vnd seit mir hiemit all wolkommen : dann man sagt auch hingegen, wann der Fischangler zog zu früh, so fung er nie : vnnd wein so giret frü, druset auch frü.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.