TITUS
Johannes Fischart, Geschichtsklitterung
Part No. 607
Previous part

Paragraph: 3      NAch geendeter Malzeit, rahtschlagten sie von nun schwebenden sachen (dann nirgends besser Käuff es gibt, als wo man Weinkäuff gibt) vnnd befanden für gut, daß man vmb Mitternacht außfallen solte zum Scharmützel, die Feind zuversuchen, was sie für Wacht hielten. Vnter Page of re-edition: 375  des möcht ein jeder ein Positzlin schlaffen, des wackerer zuwerden. Aber Gurgelstrozza5 kont nicht schlaffen, wie er sich auch legt vnd krümpt, dann Homerus schreibt : Ein Regent, ein Rahtsherr vnd ein Wacht, sollen nit schnarchen die gantz nacht : darumb thun sie heut schlafftrünck, dz sie morgen im Raht schwerköpffig zu jedem ding ja nicken. Da sagt der Mönch zu jhm, Viel Leut schlaffen wol zu Pferd vnnd im Schiff, das macht das wagen : Einer legt sich einmahl vnter einen Bierenbaum, vnd fienge an Bieren zuzahlen, und ehe er vber etlich totzend kam, da lag er schon vnnd schnarcht, vnd schnarchet schon vnnd lag. Ich aber schlaff nimmer besser als inn der Predig, oder wann ich bett. Derhalben6 laßt vns die siben BußPsalmen für vns nemmen, zusehen ob jhr nicht entschlaffen werdet. Der fund geful dem Gargantua besser, als der Amadisischen Vrganda weiß, die sibentzigen järig siben Schläfer macht, fiengen damit gleich den ersten Psalmen an, vnnd als sie biß auff das 'Beati quorum' kamen, entschlieffen sie beide vngewagen, vnd ohn gießfaßtropffen, vnd ohn ein Mercurischen Rorpfeiffer, der den huntertäugigen Argo entschläfft, als ob sie bei dem7 lustigsten Poetischen rauschenden Prönlin oder Bächlin legen, vnd die Windlin hörten wähen, oder Magsamen gessen hetten, oder Mett getruncken, oder einen Saffransack zun haupten ligen hetten8.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.