TITUS
Johannes Fischart, Geschichtsklitterung
Part No. 612
Previous part

Paragraph: 3      NVn wolan, glück zu, sie ziehen3 hin die edele Kämpffer, auff gute abentheur, gelegenheit zuerspehen, daß sie die schreckliche grosse Schlacht antretten : der Mönch aber redet jhnen einen mut ein, sprechend. Jhr meine Söhn, schewet noch förchtet euch nicht, ich will euch sicher führen, besser als der Widertäufferisch Moses der Müntzer seine Bauren. Gott vnnd S. Benedict sey mit vns,4 S. Benedict für mich, Gott für euch. Wann ich so viel stärck als muht het, botz krisam, ich wolt sie euch all wie ein Antvogel beropffen, vnnd jhnen recht die Feibel schneiden, daß jnen nach Gott vnnd der Welt weh müßt sein : ich wolt sie lehren an Gott glauben, der Teuffel holt sie dann : Ich Page of re-edition: 379  förcht nichts als das geschütz, doch weiß ich ein Segen darfür, welchen5 mir vnsers Klosters Custor geben hat, hieß Clemens, aber Clemens 'non Papa', auch nicht der Musicus, der heilt allen Brandt : aber mich wird er nit helffen, dann ich setz kein glauben drauff : es möcht mir sonst gehn wie dem Spanier, der, wie die Sachssen sagen, ein Schußsegen hat, aber kein Bußsegen, da jhn der Hofman mit dem Fäustling vber den Caball abschmiß, der kont jm den Segen auffthun : oder wie des Ovidij Cigno vnd Ceneo, die Wundsegen hatten, aber kein wurff noch stoßsegen, für Bäum, Stangen, vnnd Stoßdegen : was halff es den Hörnin Sigfrid, das er fornen hörnin war, vnd am rucken zuerstechen gar, fornen beschlossen, hinden erschossen : allenthalb gesund, ohn vnter dem hütlin : am haupt verwart, am latz verfart : am bauch groß, hinden bloß : darumb that der Holländer recht, da er im sinn zufliehen hat ehe er antrat, macht er ein Pantzerfleck auff die Hirßhäutin Arßbacken, meint das Hertz steck daselbs, da der Leib am weichsten, Page: 492   dicksten vnd geschwollenesten, vnnd wie das Sauhertz getheilt wer : Jhr wüßt, ein wurff auß der Hand, ist ins Teuffels hand : die Schüß vnnd würff seind mißlich, wie die griff bei Nacht, das erfuhr wol jene Magd, deren der Scherer wolt zum Aug greiffen, vnd griff, daß jhn die Frantzosen bestanden,6 es geht jhr noch nach, der frommen Dochter.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.