TITUS
Johannes Fischart, Geschichtsklitterung
Part No. 619
Previous part

Paragraph: 5      Als nun10 die Bittergrollischen daselbs herumb bei Seuile vmbschweifften vnd streifften, ward jren Gurgellantua11 jnnen : vnd red gleich sein Volck an. Jr Hopffenbrüder, hie werden wir zuthun gewinnen, es seind jhren zehenmahl mehr als wir, wollen wir sie ansprengen? Wat den Teuffel, sprach der Mönch, was wolten wir sonst thun? Wir seind drumb hie : wolten jhr die Leut nach dcr Zahl vnnd nicht nach Page: 498   der manlichkeit schätzen? Viel Leut, viel beut : viel Feind, viel ehr, sagt Fronsperger : Rufft demnach, sprengt an jhr leibhaffte Teuffel, sprengt an : Wir wollen jnen das Weihwasser geben. Welchs als es die Feind horten, meinten sie es weren warhaffte Teuffel, fiengen derhalben all an mit verschossenen Zaum fersengelt zugeben. Jedoch12 Hauptman Nienenan, der legt die Glän ein, vnnd rant inn vollem Ritt dem Mönch auff die Prust : Aber13 so bald es die Teuffels schrecklich Kutt antraff, bog es sich beim Späreisen, als wann einer mit eim gewächßten Faden auff ein Ampoß schlüg, oder mit eim Federkengel an ein wand rent : Hingegen14 der Mönch versatzt jhm mit dem Kreutzstock so ein vnsaubers zwischen den Halß vnnd halßkragen auffs Acromibein, daß er ertaubet vnd schwindelet, vnnd nichts vmb sich selbs wußt, ob er ein Knäblin oder Meidlin wer15, vnd jm gestrack für die Füß ful als ob jn der Hagel herab schlüg, vnd vergaß auffzustehn : vnnd als er den Meßschleier jhm auff dem Nacken sahe, sagt er zu dem Durstgurgeler16. Botz Chrisam, es sind nichts als Pfaffen, bei dem sackerleiden : Aha, das ist erst ein anfang von eim Mönch : bei dem heiligen S. Jan ich bin ein rechter außbund von eim Mönch, ich will euch tödten wie die Mucken, 9 inn eim streich, wie jener Schneider. Bei dem Heyl. S. Erharts Beihel,17 soll mir einer entlauffen, so soll jhn der Teuffel holen. Jagt jhnen demnach hurtig nach, biß er die letsten inn der flucht ertappet, da schmiß er vnter die Nussen, da sie am dicksten stunden, vnd biß vor girigkeit die Lefftzen durch wie Scanderbegck.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.