TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 640

Paragraph: 7 Auff solche wort zuckt Zuckdendilen von Leder, vnd durchstach den Schnaderentinger gleich ob der lincken Brust, daß er auff der stätt todt nidersanck. Zog demnach sein Wehr wider auß³⁰ des erstochnen leib, vnnd sagt vnerschrocken : Also müß denen geschehen, die fromme getrewe Diener schmehen. Alsbald erbittert vnnd erbleichet darüber Bittergroll³¹, vnnd, als er bei jhm das schön frembd Schwerdt vnd die köstlich Scheid ersahe, sprach er. Hat man dir drumb den Stecken geben, daß du mir also freuenlich vnter meinen Augen meine liebe³² Freund soltst ermörden : Befahl damit gleich seinen Wartknechten, daß sie jhn zu stucken solten zerhawen. Welchs vnuerzogenlich also grewlich vollzogen ward, daß der gantz Saal mit Blut vberschwam.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.