TITUS
Johannes Fischart, Geschichtsklitterung
Part No. 686
Previous part

Paragraph: 3  
Verse: 1     JR Armen Menschen, die stets harren
Verse: 2     Auff glücklich zeit, wan die komm gfahrn,
Verse: 3     Erhebt nun ewer girig gmüter,
Verse: 4     Vnd hört mir zu, was ich euch fider,
Verse: 5        Das ist, was ich euch jetz dictier
Verse: 6        Mit der Feder auff diß Papyr.
Verse: 7     Wan man soll für gewiß gantz glauben
Verse: 8     Daß Menschlich sinn so hoch sich schrauben
Verse: 9        Daß sie auß dem Gestirn dort oben
Verse: 10        Oder auß viln vorgangnen Proben
Verse: 11     Mögen was zukönfftigs vorsagen
Verse: 12     Von dem, was sich hie werd zutragen :
Verse: 13        So geb ich zuverstehn nun euch,
Verse: 14        Daß eben jetz den Winter gleich,
Verse: 15     Ja eben hie inn disem Land
Verse: 16     Da du nun stehst vnd ich nun stand
Verse: 17        Auffkommen werd ein art von Leuten,
Verse: 18        Die also wird Fraw Vnrhu reuten,
Verse: 19     Daß sie kein Rhu nicht werden haben,
Verse: 20     Sonder vngscheucht herumbher traben
Verse: 21        Bei hellem tag, vnd sich bemühen
Verse: 22        Allerley Standes Leut zuziehen
Verse: 23     Auff jr weiß zu Rotten vnd Trennung,
Verse: 24     Zu streitig Partheischer meynung.
Verse: 25        Ja welche jnen geben werden
Verse: 26        Gehör vnd glauben, wie sie bgerten3,
Page of re-edition: 431 
Verse: 27     Die werden sie gleich, vngeacht,
Verse: 28     Es kost gleich gelt, gut oder Macht,
Verse: 29        Bringen dahin, daß die Verwandten
Verse: 30        Vnd besten Freund, on schew all schanden
Verse: 31     Werden gantz trotziglicher massen
Verse: 32     In offnem streit sich ein da lassen :
Verse: 33        Ja kein schand werden die Sön schätzen
Verse: 34        Sich dem Vatter zuwidersetzen.
Page: 557  
Verse: 35     Auch werden die von Hohem Stammen
Verse: 36     Erfahren, daß sich thun zusammen
Verse: 37        Wider sie jre Vnderthanen
Verse: 38        Vnd gegen sie sich starck auffmanen.
Verse: 39     Alsdan wird sein inn solcher Wütung
Verse: 40     Kein vnterscheid der Ehrerbietung.
Verse: 41        Dan ein jeder wird alsdan sagen,
Verse: 42        Jeder soll vmb das sein sich wagen,
Verse: 43     Man machets hie keim anderst nit,
Verse: 44     Was der ein stoßt, der ander tritt,
Verse: 45        Man hebt es auff nach dem es fallt.
Verse: 46        Vnd wer dann nicht mehr solcher gstalt
Verse: 47     Bestehn mag, der mag dan außstehn,
Verse: 48     Vnd darnach wider herbei gehn,
Verse: 49        Vnd sich versuchen auff all Weg
Verse: 50        Daß er die schand einbringen mög.
Verse: 51     Hierüber wird sich dan begeben
Verse: 52     Ein solches auff vnd ab da schweben,
Verse: 53        Ein solches hin vnd wider lauffen,
Verse: 54        Ein solches keuchen, schwitzen, schnauffen,
Verse: 55     Daß dergleichen Auffrhur, Erregung,
Verse: 56     Vnd widerspänstig Widerlegung
Verse: 57        Kein History nie hat gemeldt
Verse: 58        So wunderlich wird sein die Welt.
Verse: 59     Bald wird man auch erfahren dan
Verse: 60     Daß mancher feiner küner Man
Verse: 61        Durch sein jung Gmüt vnd hitzig Gblüt
Verse: 62        Verreitzt, darin also verwüt
Verse: 63     Daß er sehr kurtz darvon wird sterben
Verse: 64     Wan er noch ist im Mitteln werben.
Verse: 65        Auch wird keiner von disem Werck
Verse: 66        Daran er einmal setzt sein stärck
Page of re-edition: 432 
Verse: 67     Ablassen, er hab dan zuvor
Verse: 68     Getriben ein selsam Rumor,
Page: 558  
Verse: 69        Vnd lang gewüt vnd lang gewült,
Verse: 70        Alles mit Neid vnd Streit erfüllt,
Verse: 71     Den Himmel auch mit Gschrei zun Nöten,
Verse: 72     Die Erd mit Tritten vndertretten.
Verse: 73        Alsdan werden zur selben zeit
Verse: 74        Gleich so vil gelten Trewloß Leut
Verse: 75     Als die so warhafft vnd getrew,
Verse: 76     Jr beider Glaub wird da stehn frey.
Verse: 77        Dann sie all werden sich befleissen
Verse: 78        Gantz gefällig sich zuerweisen
Verse: 79     Dem vnverständigen grossen Hauffen,
Verse: 80     Auch jren Glaub auff jhn nur schrauffen.
Verse: 81        Also daß vnder jnen auch
Verse: 82        Der vngschickst wird zum Richter braucht
Verse: 83     O der schädlichen Schwämm vnd flut,
Verse: 84     O der Mühlichen Sündflutrut.
Verse: 85        Ja wol wird sie ein Flut genent :
Verse: 86        Dann dise Müh nimpt ehe kein end,
Verse: 87     Noch die Erd wird jr nit ehe gledigt,
Verse: 88     Biß daß sie mit gewalt außnötigt
Verse: 89        Vil Wassers, welchs plötzlich mit hauffen
Verse: 90        Hin vnd wider herab thut lauffen,
Verse: 91     Darmit diselben, so am meisten
Verse: 92     Im streit groß müh vnd arbeit leisten
Verse: 93        Werden durchfeuchtet vnd genetzt,
Verse: 94        Vnd billich darmit so verletzt
Verse: 95     Weil jr Gemüt zu disem streit
Verse: 96     So gar durchbittert ist mit Neid
Verse: 97        Daß es keinem kurtzumb vergibet
Verse: 98        Vnd kein Barmhertzigkeit nicht übet.
Verse: 99     Auch nit gen der Vnschuldigen schar
Verse: 100     Des Haußviechs, welchs vns ist dinstbar :
Verse: 101        Also daß sie on alls erbarmen
Verse: 102        Von jrn Adern vnd wüsten Därmen
Page: 559  
Verse: 103     Zwar kein Opffer den Göttern pringen,
Verse: 104     Sonder ein schnöden prauch erzwingen,
Verse: 105        Zu täglichem dienst der sterblichen
Verse: 106        Vnd der täglich zerscherblichen.
Page of re-edition: 433 
Verse: 107     Nun laß ich selber euch ersinnen
Verse: 108     Wie dise ding all zugehn künnen,
Verse: 109        Vnd was des Runden Gbewes Leib,
Verse: 110        Die Himmelsrund gewelbte scheib
Verse: 111     Bei solchem vnrhüwigem keib
Verse: 112     Für Rhu könn han, vnd was sie treib.
Verse: 113        Doch sag ich, daß die allerbesten
Verse: 114        So sie bhalten am aller mehsten
Verse: 115     Am meysten4 dahin werden walten
Verse: 116     Sie vnverderblich zuerhalten :
Verse: 117        Doch also, daß sie sehr mit fleiß
Verse: 118        Auff ein sonder Manier vnd weiß
Verse: 119     Sich werden ängstlich fast bemühen
Verse: 120     Gefenglichen sie einzuziehen,
Verse: 121        Vnd inn ein dienstbarkeit zubringen :
Verse: 122        Also das die, die man thut tringen,
Verse: 123     Vnd ängstigen vnd niderlegen,
Verse: 124     Vnd jagen hin vnd her mit schlägen,
Verse: 125        Nicht haben wird, zu dem sie flieh,
Verse: 126        Als dem, der sie gemacht hat hie.
Verse: 127     Ja wans zum ärgsten mit jr staht
Verse: 128     Wird die Sonn, als wans nidergaht,
Verse: 129        Ein Finsternuß lan vber sie,
Verse: 130        Die dunckler dan kein Nacht ward nie,
Verse: 131     Oder als kein 'Eclypsis' nit,
Verse: 132     Vnd alsdan wird sie gleich darmit
Verse: 133        Jr Freyheit sampt dem Schein von Himmel
Verse: 134        Verlieren in eim tieffen Schimmel,
Verse: 135     Oder zum wenigsten verlosen
Verse: 136     Bleiben inn der Einöd verstosen :
Page: 560  
Verse: 137     Aber zuvor vnd ehe sie bstand
Verse: 138     Der Vndergang, der schad, die schand,
Verse: 139        Wird sie ein lange zeit erzeigen
Verse: 140        Ein hefftig groß Erbidmen, neigen,
Verse: 141     Ja so gewaltsam sich bewegen
Verse: 142     Als der Berg Aetna sich thet regen
Verse: 143        Da er geworffen ward von hinnen
Verse: 144        Auff einen der Titanen Sönen5,
Verse: 145     Oder als wan Typho der Rieß
Verse: 146     Die Affen Insul ins Mör stieß :
Page of re-edition: 434 
Verse: 147        Also wird sie inn kurtzen stunden
Verse: 148        Bald inn leidigem stand befunden :
Verse: 149     Auch so veränderlich, das die
Verse: 150     Welche nun han erhalten sie,
Verse: 151        Doch sie denselben werden lassen
Verse: 152        Die nach der hand sich drumb anmassen.
Verse: 153     Folgends geht an die rhüwig zeit
Verse: 154     Welche stillt den langwirigen streit :
Verse: 155        Dan die gedachten grossen Wasser
Verse: 156        Welche sie machen je meh nasser
Verse: 157     Thun sie dermassen sehr bemühen
Verse: 158     Daß sie müssen einmal abziehen.
Verse: 159        Vnd gleichwol, ehe man also weicht
Verse: 160        Sicht man, daß in den Lüfften leucht
Verse: 161     Ein scharffe hitz, welche ereugt
Verse: 162     Ein grosse Flamm, die drumb auffsteigt,
Verse: 163        Damit der Wasserflut sie wehr,
Verse: 164        Vnd diß wesen einmal auffhör.
Verse: 165     Nach allem, wann diß nun vollführt,
Verse: 166     Weiters zuthun sich nicht gebürt
Verse: 167        Als daß die Ausserwehlten dann
Verse: 168        Mit alln Güttern vnd Himmlisch Mann
Verse: 169     Werden erlabet auff die Schlacht,
Verse: 170     Vnd zum vberfluß Reich gemacht
Page: 561  
Verse: 171        Mit wolgebürlicher Verehrung
Verse: 172        Vmb jre wol erzeigt bewärung,
Verse: 173     Auch etlich zu letz außgezogen,
Verse: 174     Vnd diß wird billich so gepflogen
Verse: 175        Damit so dise müh vnd fleiß
Verse: 176        Sich endet auff ein solche weiß
Verse: 177     Ein jeder hett zu seinem heil
Verse: 178     Sein vorbestimpt vorsehen theil :
Verse: 179        Inn massen solchs bewilligt ward.
Verse: 180        O wie wird der zu jeder fart
Verse: 181        Geehrt, so biß ans End verharrt.


Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.