TITUS
Guido de Columnis, Buch von Troja
Part No. 33
Previous part

Paragraph: (33) 
Sentence: 440       Des koniges wert volborten sie alle eintregtiglich und erbotten sich inniglich, leip und gut mit ym czu zu seczen, durch welche volgunge und milde irbietunge der konigk Priamus kuner und mutiger wart zu orleyen.
Sentence: 441    Al do was Hector geinwertig mit andern des koniges elichen und unelichen sonen, der was von Pafere durch geheysse seines vaters wider kommen.
Sentence: 442    Die alsampt syne sone rette der konigk an mit sulchen warten, doch vor den worten weynete er bitterlich, und suffczende und weinende gab er clegelich disse wert vor:
Sentence: 443    Lieben sone, welczt ir nicht in uwerm gemute und gedangken den tot uwer eldere vether, den dinst uwir swester Exiona, die unelich gehandelt wirt, al die weil wir noch leben und so mechtig sint.
Sentence: 444    Czwar es ist wol wirdig und recht, das ir uch ufflenet zu rache sulches lasters, und ab ir nicht rechen weldet uwir vorfarn, doch suldet ir es mir zu begengelichkeit thun, sint ich von den sachen so swinde geengestiget werde und an undirloß mit unczelichem widermute bewegit, sint ich uch von kinde uf so liplich erczogen habe, so sult ir je mitleidunge mit mir haben von billichem naturlichem und redlichem rechte und sachen.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.