TITUS
Guido de Columnis, Buch von Troja
Part No. 36
Previous part

Paragraph: (36) 
Sentence: 463       Noch deßen worten sweig der gestrenge weise Hector, aber Paris, der flislich dy wort Hectoris gehort hatte, gab var deße rede:
Sentence: 464    Hore, konigk, libster vater, wer undir uns mag bewerlich forchte vor genemen, nicht zu irfolgen ein selig ende, ab wir die feede an greiffen wider unser fiende?
Sentence: 465    Sey wir nicht auch gestrenge, mechtig, reiche und wonhafftig in also eyner grossen festen stat?
Sentence: 466    Wen wolde doch des bewerlich dungken, uns also gewerlich und seliglich gesaczt in unser heymete moge geschen- den.
Sentence: 467    Do von es geschee kunlich, vater und herre, das ir uß gesaczt habit, das man schiff lasse weg gehn, zu vorwusten die Krichen, die uns schedelich vorunrecht und unwiderbrenglich vorterbit haben.
Sentence: 468    Ich selbir, ab es uch gefellet, vater, will mit schiffen, wenn ich hoffe gewislich zu den guten, das die Krichen geschaut werden unde von uns geroubet und der edilsten und mechtigisten der Krichen weiber gein Troya fure und ewer swester Exiona wider lose und uß wechsele.
Sentence: 469    Und ab ir froget, wo von wir das gesichert sint, des gebe ich uch ein gewiß zceychen, das ich von den goten gewislich uff genomen habe.
Sentence: 470    Nicht ist es lang, do ich was zcu India von uwers geheises wegen.
Sentence: 471    In den lengisten tagen des sommers zcoch ich zu balde an die jait mit den jegern und zcoch hin und widder und fant nicht zu jagen.
Sentence: 472    Noch mittage umb vesperzceit wart ich gewar eynes hirß, dem meynte ich eillich vor zu kommen.
Sentence: 473    Durch das quam ich von mynen gesellen, unde also quam ich in das wilteniß des waldes yn den finsteren schaten und vorloß den hirß.
Sentence: 474    Ich was mude und myn pfert und vorließ die jayt und sass ab und hefte myn pfert an eynen ast.
Sentence: 475    Meinen bogen und meynen kocher leyte ich vor eyn kossen undir myn hopt und entslieff, und denn troumte mir so swerlich, das ich vormals in keyner zceit ny so unsanffte geslieff.
Sentence: 476    In dem traume sach ich ein wunderlich gesichte, das der got Mercurius, zu deuczs kouff herren, drey ander gotynne mit ym furte, Venerem, Palladem und Junonem.
Sentence: 477    Der ging zu mir nicht ferre von den gotynnen und sprach:
Sentence: 478    ,Hore, Paris, dese drey gotynne habe ich zu dir gefurt, das du die ent- scheiden salt yrer zweitracht.
Sentence: 479    Essende eyns moles dese gotynne zu eyner erlichen wirtschafft, wart eyn wunderlich edler appfel vor sie geworffin, uff den was criches gesehreben, das man yn der schonsten geben sulde.
Sentence: 480    Iglicher undir deßen wolde dy schonste syn und apphel vordynen.
Sentence: 481    Des bleiben sie nu bie dir zu irkennen, und ich globe dir von iglicher eyne gobe zu lone dynes irkenteniß, welche dy schonste sy und den apphel behalden moge.
Sentence: 482    Irkennestu Junonem die schonste, so macht sie dich den grosten undir den edeln diser werlde.
Sentence: 483    Irkennestu Palladem, sie gibt dir alle menschliche kunst zu lone.
Sentence: 484    Ist aber, das du Venerem die schonste erkennest, sie gibt dir zu lone das schenste weip zu Crichen.
Sentence: 485    Uff diese rede und globde antwerte ich dem gote Mercurio, das ich ein recht orteil obir sie nicht irkennen mochte, sie zcogen sich denn alsampt vor mir nackt uß.
Sentence: 486    Mercurius sprach:
Sentence: 487    Is geschiet, als du gespro- chen hast.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.