TITUS
Guido de Columnis, Buch von Troja
Part No. 42
Previous part

Paragraph: (42) 
Sentence: 517       Do mit sweig Troylus, des manhafftikeit die umb steenden alle lobeten.
Sentence: 518    Also gingen sie uß dem rate zu tische.
Sentence: 519    Do man nu gessen hatte, was Priamus in dem vorsacze, zu irfolgen die ding zu dem zcoge uff die Crichen.
Sentence: 520    Er rieff vor sich syne sone Paridem und Deipheben und hieß sie zcihen gein Pafere mit rittern und knechten, mit den vort gein Crichen schiffen solden.
Sentence: 521    Des selben tages nomen sie orlop und zoogen von dannen.
Sentence: 522    An dem andern tage berieff vor sich der konigk Priamus alle burger von Troya in ein gemayne gespreche und rette sie an mit sulchen warten:
Sentence: 523    O lieben getrawen, uch ist wol kuntlich, wie mit vilen und grossen ungerechtikeiten, lesterunge und schaden unczellichen wir vorhochmutiget und obirlestert sint von den frevelen Crichen, do von wir zu rede gesaczt werden und vormert bie allen luten.
Sentence: 524    Mich lest uch nicht ruen des gedechteniß myner swester Exiona, wenne ir gefengkniß und dinst kommet mir uß meinem gemute nicht zu keyner zceit.
Sentence: 525    Ir wist uch wol, das ich den vornemen Anthenor sie wider zu geben gein Criche gesant hatte, denn sie nicht irhorten, do von mein leiden gezcweifeltiget wart.
Sentence: 526    Aber dy wundin muß man mit eysen heilen, die erzcteie nicht fullen.
Sentence: 527    Do von so habe ich Paridem mit eynem here mit gewopenter hant gesant, mechtiglich sie an zcu greiffen und beschedigen, ab er leichte ein edle [Weip] begriffe und her heym in unser stat furte, mit der ich durch das wechsel myner swester wider gehaben mochte.
Sentence: 528    Diese ding wolde ich nicht irfolgen ane uwern rat.
Sentence: 529    Do von habe ich uch das vorgelegt, ab es uch nucze deuchte, das man beharrete in deme, das begunst ist.
Sentence: 530    Wie wol das dise ding mich innerlich beruren, sie treffen doch uch alle gemeynlich, und was alle lute trifft, das sullen sie alle volworten.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.