TITUS
Guido de Columnis, Buch von Troja
Part No. 43
Previous part

Paragraph: (43) 
Sentence: 531       Als ende namen des koniges wart und nymant nicht sprach, do stunt uff der ritter Pentheus und sprach:
Sentence: 532    O edler konig, sint ich bie uwir maiestat in getrawem dinste und libe entflammt bin, so muß ich uch eyns irmanen, das sult ir gnediglich von mir ufnemmen.
Sentence: 533    Wollet wissen, das myn vater Eusebius, als er hundert und achzig jar gelebit hatte, was er wol irforen in der schrifft und sonderlich in der kunst kunftiger dinge, hat mir uffte gesaget, wurde uwir son Paris gein Krichen zcihen und ein weip do rouben und her heym furen, das do von dise uwir edle stat, die grosse Troya, gestort und zu aschen wurde von den Crichen und ir und alle die uwern boslich und freislich irmordet.
Sentence: 534    Do von, allirweister konig, last uch nicht swer syn, mich zu horen, und smehet nicht myne wort und sonderlich in den sachen, do uch nuz von kommet.
Sentence: 535    Ab ir der nichten hor- tet, das do von queme ein geschichte uwir ewigen falles.
Sentence: 536    Durch was feedet ir uwir eigene rewe und uwir fridsamkeit seczt ir uff zcweifel und in fal, die alle vorluste und schaden tragen.
Sentence: 537    Lasset abe, uf das ir uwir tage seliglichen ane mue gelengen [moget], das uwir son Paris die ende der Crichen nicht berure adder das doch eyn ander und nicht er gein Crichen gesant werde.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.