TITUS
Guido de Columnis, Buch von Troja
Part No. 47
Previous part

Paragraph: (47) 
Sentence: 635       Diß geviel wol dem meren teil.
Sentence: 636    Als nu der monde uf ging und die sternen schynnen, vielen sy gewopent yn den tempel unvorsichtiglich obir die blossen manne und irschrogken frawe[n] und trugen und triben zu schiffen, was do was.
Sentence: 637    Paris furte Hele- nam an syner hant zu schiffe, und sie werte sich nicht faste, und noch dem schregken was ir nicht swinde leyde.
Sentence: 638    In dem obirvalle wart ein groß geruffte von dem raube und etlichen morden, die do geschaen.
Sentence: 639    Etliche entlieffen uf ein sloß, das nahen bie dem tempel uf eynem berge lag, und wagkten die uff, die yn eynem krige al do lagen, vaste hoffelute, die worden gereit und ranten zu den Troyanischen.
Sentence: 640    Disse saczten sich wider die und hatten undireinander eyn hart schermeuseln, als das faste stergker und jageten toder do belogen.
Sentence: 641    Aber dy Troyanischen waren wil sie und folgeten yn biß vor das sloß.
Sentence: 642    Al do korten sie wider yn ire schiff und schiften wegk mit frewden.
Sentence: 643    Mit uf gewarfen segeln schifften sie fro- lich und quomen am sibenden tage an die ende des konigreiches Troye.
Sentence: 644    Al do worffen sie ire engker uß, sie hefften yre schiff und wurden von yren lantluten gutlich gehandelt.
Sentence: 645    Sanczuhant tat Paris dem konige botschafft, bie er gesunt und frolich kommen wer und von ende zu ende, wie sich alle ding vorlouffen hetten.
Sentence: 646    Dysser ding wart Priamus fro und kundigere die den begersten des landes, die sich der dinge swinde irhuben.
Sentence: 647    Aber das elende slug Helene under ougen, als allen weiben noch yren vorwiczen geschieht.
Sentence: 648    Sie was faste trurig und begoß ir antlucz und brust mit rewigen treuen, mit suffczen und clagen beweynete sie iren gemahelen, den konig, und die konige, ire bruder, ire tochter und ir veterlich lant.
Sentence: 649    Sie aß noch trangk nicht vor jammer.
Sentence: 650    Des trug Paris unsanffte und rette suslich und liplich mit ir.
Sentence: 651    Is half emte er sich etwas und sprach zu ir also:
Sentence: 652    Was aber nicht.
Sentence: 653    Obir langes irfr sal das syn, frawe, das du von deynem weynen nicht wilt lassen?
Sentence: 654    Ich mag es die lenge nicht geleiden, das du also tag und nacht clagest.
Sentence: 655    Ouch kanstu es die lenge nicht getauren.
Sentence: 656    Hore uff und nym an dich eyn starg gemute, wenn du salt hie in mynes vatern konigreich keynen mangel leiden.
Sentence: 657    Du salt geeret werden noch dynem adel als die wegerste dises landes.
Sentence: 658    Ouch sullen die gefangen, vor welche du bittest, dyn gnysen, das sie nicht geswert werden.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.