TITUS
Guido de Columnis, Buch von Troja
Part No. 52
Previous part

Paragraph: (52) 
Sentence: 674       Und in des wortes ende weynte sie bitterlichen sere.
Sentence: 675    Paris troste sie aber, er ließ yr wol worten mit allen dingen.
Sentence: 676    Des morgens wart Helena gesmugkt noch koniglichen sitten und wirden, uf eyn schon pfert gesaczt, wol gesmugkt mit eynem gulden gezceuge, und die andern gefangen wurden alle uf pferde gesaczt und geschikt noch yrem adel zu vorderst zcihende mit vil rittern, dornoch Paris, Deiphebus, Anthenor, Eneas und Poli[da]mas und vil ander edle manne mit smugke und in grossen eren und zucht und furten Helenam, die koni- gynne, gein Troye.
Sentence: 677    Vor der stat etwie ferre begynete yn der konigk Priamus.
Sentence: 678    Er gruste und entpfing sie frolich, sunderlich entpfing er die konigynne Helenam demutiglich in behegelichen worten.
Sentence: 679    Als sie zu der pforten in quomen, do was eyn unczellich volg in den gassen gesammelt.
Sentence: 680    Die feierten grosse freude uf luten, fideln, quintern, pfeiffen, pauken und mit allerlei seyten spil und uch mit rosseliren, stechen, pferde und tu- melen, springen etc.
Sentence: 681    Der konig Priamus was der erste von dem dornoch ander vil edler manne, und Priamus leite zu fusse der koniginne Helenam pferde mit grossen eren vor den koniglichen sal.
Sentence: 682    Czu den zceiten was zu Troya frewde obir frewde, beide von der wolfart Paris und uch der zu kunft der konigynne Helena.
Sentence: 683    Des andern tages entpfing Paris in dem tempel Palladis Helenam zu eynem elichen gemahelen, und denn wart die freude zu Troja zoweifeldig, ganczer acht tag alumbe.
Sentence: 684    Als Cassandra, des koniges tachter, dise ding vornam, als die ee ires bruders und die feyer der frewde zu Troya, sy weynte und clagete bitterlich und schrai lanter stymme:
Sentence: 685    O ir unseligen, was frewet ir uch der hochzceit Paris, do von so grosse kunfftige obel kummen, durch die ir uwern und der euwern tot clegelich beweinen werdet.
Sentence: 686    Ir werdet ewer kinder in dem angesichts irer veter sehen sterben, und ir weiber werdet elendiglich vorwitbet und die leiche uwer manne greselich beschawen.
Sentence: 687    Ach, hoe edle Troye, freislich wirstu nyder gewarffen und zubrochen!
Sentence: 688    Du wirst frevelich und boslich zustort!
Sentence: 689    Czeter obir uch, durfftigen mueter, wenne ir die kinder, die ir getragen habit, als un- menschlich sehen werdet zuhawen und zcuezerren!
Sentence: 690    Ach, du konigynne Eccuba, wie wirstu alles mogen beweynen, die morde dyner sone, die ir- slagen werden mit den blutigen swerten der Crichen!
Sentence: 691    Woffen, du blindes volgk, unwissende den freislichen tod!
Sentence: 692    Worumb nommet ir nicht mit gewalt Helenam von irem unrechten manne und gebet sie wider dem rechten, ee denne das die scharffen swerte irbremsen in uwern blute?
Sentence: 693    Deucht uch das nicht, das die deube Paris noch herbiglich gerochen werde?
Sentence: 694    Durch sie werden wir noch zu grunde vorterbit.
Sentence: 695    We, ymmer we, du unselige Helena, du arge bufynne, bie vil leides und ungemachs wirstu uns geberen!
Sentence: 696    O ir durffti en burger, treibet weg von uch die dorfftigen leich, das stinkende aß verre von uwern wonungen!

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.