TITUS
Guido de Columnis, Buch von Troja
Part No. 66
Previous part

Paragraph: (66) 
Sentence: 874       Der Telapho das konigkreich keere wolde umb seynes vaters wol behagen.
Sentence: 875    Dornoch huldeten und swuren, getrewe und holt zu syn dem herczogen Telapho, die edelen und das volg des landes und leiten ym uff koniglichen namen, und er stunt dem konigreich irberglich vor.
Sentence: 876    Aldo ließ Achilles den newen konigk und lud syne schiff reichlich mit allen notdurftigen dingen und schiet also von Telapho, das er vort an dem here senden sulde futer und speise und alle notdurft, das er ym getrwlich globte zu thun.
Sentence: 877    Und Achilles schifft seliglich zu dem here, den entpfing Agamemnon, der konig, und dy andern alle.
Sentence: 878    Do sagete er ym alle vorlouffene sache, wie er gestritten hette, wie der konigk Teutra gestorben wer, ey Telaphus zu konige gemacht wer, wie er dy schiff geladen brechte, wy der konig Telaphus sich gein ym vorbunden hette, zu senden dem here alle notdorfft, do von das her nu gesichert was, das sie keynen gebrechen dorftten leiden in allen notdorftigen dingen etc.
Sentence: 879    Sind wir vor hye gesaget haben, wer und wie vil konige und fursten den Crichen zu hulffe kommen sint, so wolle wir nu uch korczlich sagen, wer und wie vil den von Troye zu hulffe kommen sint, so wolle wir nu korczlich sagen, wer und wie vil den von Troye zu hulffe kommen sint, und ab wir nicht von yn allen, doch wolle wir von den grossern und namhafftigen schreiben.
Sentence: 880    Undir den grossen quomen dry konige [mit] mee denn mit drey tausent gewopenten, als der konigk Pandarus, der Walen konig und der konig Androsius.
Sentence: 881    Item von dem lande Colophon quomen vier konige mit funf tausent gewopenten, der konige hyeß eyner Carras, eyner Imasius, Nestor und Amphimatus.
Sentence: 882    Item von dem konigreich Licie quam der konig Glauco und Syn Son Sarpedo, die waren Priamus mogen, mit dreytausent rittern.
Sentence: 883    Item von Liconia quam der konigk Emphenus mit tausent gewopenten.
Sentence: 884    Item zcwene konige von Delarissa mit andirhalbtusent gewopenten.
Sentence: 885    Item der grosse keyser und der konig Enphordus und Remus von Thalonia und mit yn siben grafen und fier herzcogen.
Sentence: 886    Dise alle hatten gelen har- nisch.
Sentence: 887    Doch waren ander meer mit gelm harnisch.
Sentence: 888    Item der konig Perses von Morenlant und mit ym der konig Menon mit yren herczogen und grafen mit dry tausent gewopenten und vil ander konige, herczogen und hern, als das der geste an der zcal waren czwei und drissig tusent ge- wopenter ane dy, die quomen uß wenigen India und dy die Priamus vorhatte, eer die geste quomen.
Sentence: 889    Ny hat man gelesen von anbegyn der werlde, das also vil hoffelute beyenander seyn gewest, als denn die Cri- chen und die Frisen bey einander hatten.
Sentence: 890    Prufet und mergket, alle fursten und herren, dise historia, wie gar uß einer kleinen geringen sachen uß gegangen ist der tod so manches stargken und wirdigen mannes.
Sentence: 891    Do von so sint zu allen gezceiten ergerunge zu myden, wie geringe und eleine das sie sint.
Sentence: 892    [V]il und lange gingen die Crichen zu rate, wie und welcher weise sie Troye belegen welden.
Sentence: 893    Etliche meynten, man sulde bie nacht hyn zu schiffen, uf das das man sie an den stat ußtretende mynner beschedigen mochte.
Sentence: 894    Ander rieten anders.
Sentence: 895    Zu leczt volgeten sie dem rate Dyomedis, der undir den ratgeben der Crichen also sprach:
Sentence: 896    Horet, hern und frunde, wir haben lange alhie gelegen, vil nahen ein jar, und haben Troye noch nicht gesehen, und do mit habe wir unsir fiende gewarnet und gereyczt, sich hefftiglich wider uns zu seczen.
Sentence: 897    Ye lenger wir nu vorezihen und uns uf halden, vor sie zu cziehen, ye schedlicher und schentlicher uns das ist, und rate mit fleyse, das wir unser schiff bereyten und morne mit dem tage hyn schiffen an den troianischen port und treten mechtiglich uff den stade, sie die stat Troye zu belegen.
Sentence: 898    Wenn dise ding wollen anders nicht zu gehen wenn mit stormen und streiten und grossen erbeiten.
Sentence: 899    Diser rat gevil yn allin wol.
Sentence: 900    Do von wurden dy schif geschigkt, welche vor solden gehen, welche neben und noch.
Sentence: 901    Czu vordirst gingen hundert schiff mit gedenten segeln und mit uff geworf fen baniren, mit uff gerichten castellen und mit vil wapenern befestent.
Sentence: 902    Dornoch gingen abir hundert schiff also selbist geschigkt mit were und gezceuge zu storme und streite und eileten an den troyanischen stat.
Sentence: 903    Als die Troyanischen sahen, das die schiff zu yrem port sich schigkten, do ranten sie und lieffen zu dem port ane laube und ungeschigkt.
Sentence: 904    Als die Criche sahen der Troyanischen kunheit und ire menige, irschrogkten sie und sahen wol, das sie zu stade ane geczeugke nicht kommen machten.
Sentence: 905    Do von so nomen iglicher seyn gerete zu ym und schikten sich zu streite.
Sentence: 906    Do von Protesalus, der konigk, der der erste was mit hundert schiffen, trat menlich zu stade, aber vil der schiff wurden von dem winde gechlich an den stat geslagen, das sie zubrachen, also das der in den schiffen vil irtrungken und die zu stade quomen, der worden vil von den Troyani- schen irslagen.
Sentence: 907    Al do wort eyn wider lant von dem geschucze.
Sentence: 908    Is was die luft vinster von pfeylen.
Sentence: 909    An dem stade wart das mer rot von blute.
Sentence: 910    Do bie mag man wol prufen, wie sauer den Crichen wart, uf den stat zu kommen uß den schiffen.
Sentence: 911    Man list ouch nicht, das keyn uß stigen uß schiffen zu eyner eleinen geringen sachen uß gegangen ist der tod so manches starg- stade ye seuer sey wurden.
Sentence: 912    Noch den quomen aber hundert schiff, aber die nomen die segel ab quomen bequemlich ane schaden zu stade.
Sentence: 913    Und quamen den ersten, wie vil der waren, zu hulffe.
Sentence: 914    Aldo striten sie aber hefftiglich wider die von Troye.
Sentence: 915    Aldo streit Protesalus, der konig, der mit den ersten quam, gar ritterlich.
Sentence: 916    Vil errnorte er der Frisen mit synem eigen swerte, und were er nicht also menlich gewest, die Crichen weren vorzcaget und so und alle tot bliben, die zu stade waren quomen.
Sentence: 917    Der selbe Protesalus hatte al do siben tausent gewopente, und mit den allen muste er die Troyanischen uff halden.
Sentence: 918    Sie sahen wol, das sie zu schiffe nicht wider mochten kommen.
Sentence: 919    Do von so musten sie sich weren, so sie best mochten.
Sentence: 920    Dy Crichen wurden zu rugke biß an den stat gedrungen und weren alle ir slogen worden, were Archelaus und Prothenor mit yren schiffen nicht kommen.
Sentence: 921    Die quommen zu stade mechtiglich und drungen die Troyanischen wider umb mit macht und hatten aber eynen herten streit undir einander.
Sentence: 922    Und hette der sant das blut nicht vorslunden, mann hette dar innen biß obir den fuß gewaten.
Sentence: 923    Dornoch quam herczoge Nestor mit synen schiffen und trat uß ane mude zu stade und mengete sich mit den streittern.
Sentence: 924    Aldo wurden vil glefen gebrochen, die Geschosse saussten yn der luft, die swerte clungen und was ein groß geschrey.
Sentence: 925    Dornoch quomen die konige Destalus und Alagas mit yren schiffen zu stade und vielen ouch zu streite wider die Troyanischen also heftiglich, das sy weichen musten.
Sentence: 926    Aber vil waren der Troyanischen noch in der stat, die quomen uch her uß und drungen die Crichen widerumb biß an den stat.
Sentence: 927    Do quam Ulixes mit synen schiffen mit vil hoffeleuten.
Sentence: 928    Die Crichen irmanneten wider und striten aber hertlich wider die Troyanischen.
Sentence: 929    Aldo quam Uli- xes an Philimenem und stochen sich nyder und wunten sich vaste.
Sentence: 930    Zu leczt belag Philimenes, als ab er tot wer.
Sentence: 931    Der wart uff eyner tartschen in die stat getragen.
Sentence: 932    Dornoch komen die konige Coas und Agamenon, eyn furer des ganczen heres, der keyser [und] Menelaus mit den yren, Thelamonius und Ayax mit den iren und striten uch wider die Troyanischen.
Sentence: 933    Allir erst wurden die ding ernsthafftig in dem streite.
Sentence: 934    Obir al logen vil gewunter und toder.
Sentence: 935    Denn was der konigk von Mornlant zu Troye mit vil streithafftigen Leuten, der zcoch uß zu stryte.
Sentence: 936    Do wart der streit aber hertir.
Sentence: 937    Do irmanneten die Troyanischen und slugen ritterlich an die Crichen und drungen sie aber zu rugke an den stat.
Sentence: 938    Al do hetten die Crichen den streit verloren, wer Palamides mit synen schiffen nicht kommen.
Sentence: 939    Die Crichen irmanten wider und hyben zu und Palamides mit yn und drungen dy Troyanischen wider umb zu der flucht.
Sentence: 940    Do quam der gestrenge Hector uß der stat Troye mit vil gewapenten mannen unde streit wider dy Crichen und irslug den konig Protesalum.
Sentence: 941    Also striten die Crichen und Frisen acht mol den tag.
Sentence: 942    Is ging nu an den abent, do zcog Hector wider yn dy stat.
Sentence: 943    Dornoch quam der stargke Achilles und die Mirmidones mit yren schiffen und begunden wider an zcu streiten wider dy von Troye.
Sentence: 944    Do geschach abir groß mort uf beiden seyten.
Sentence: 945    Do waren yn die Crichen zu storg, wenn alle schif waren zu stade quomen und folgeten Achilles zu streite wider die von Troye.
Sentence: 946    Die von Troye flohen zu der stat mit grossem schaden, wenn ane zeal wurden yr irslagen an der flucht uff dem rugken, und sonderlich vor den toren an dem getrenge worden dy Troyanischen gar swinde ge- mordet und nyder geleit.
Sentence: 947    Al do sahen die veter die sone, die sone die veter irmordet werden.
Sentence: 948    Noch weren die schaden und morde grosser wor- den vor der stat, were yn Troylus und Deiphebus nicht zu hulffe kommen.
Sentence: 949    Ouch wart es nacht, das also der streit ende nam.
Sentence: 950    Agamenon, der konig, koß eyne bequeme stat dem here und liß gezcelt uff slahen und gebot, das nymant den andern hindern sal nach ym zu nahen czihen salde.
Sentence: 951    Sie machten uch stelle und krippen yren pferden, und die nicht gezcelt hatten, machten huten und buden, so sy best mochten.
Sentence: 952    Sie machten ouch also vil fewer, das is yn dem here nicht vil finster was wenn an dem tage.
Sentence: 953    Sie machten uch umb sich vil rynneboume.
Sentence: 954    Die nacht bliben sie ungehindert von den von Troye, wenn nymant quom uß der stat.
Sentence: 955    Als nu Agamenon das her gelogerte noch synem willen, bestalte er dy wache und schigkte und warnte dy leute, das sie wol zu sehen, das yn nicht gestolen wurde und das iglicher yn den buden eynen sunderlichen wechter hette.
Sentence: 956    [D]es morgens fru liß Hector, der herczoge des troyanischen heres, eynen iglichen uf seyn mit synem harnisch und were und zu sampne kommen bie dem tempel der gotynne Dyana uff dem plan.
Sentence: 957    Aldo teylete er und schickte sie noch streitlicher vorsichtikeit und ordenunge.
Sentence: 958    Mit zcwen brudern, Glauco und Cynabor, des koniges Luci sonen, schigkte er zu [der ersten] spicze und schigkte zu den selben beiden uß dem konigreich Lucia und ouch von Troye tausent gewopenter ritter.
Sentence: 959    Sie worffen uf yre panire und mit Hectoris geheysse zcogen uß dem dardanischen thore zu den Crichen zu.
Sentence: 960    Dornoch machte er die andir spicze, do waren treu tausent gewopente ritter, die entpfal er dem konige Exempo und Aleano, die zcogen uch zu der selben pforten uß zu den Crichen.
Sentence: 961    Die dritte spicze befal Hector Troylo uch mit drey tausent gewopenten und irmante yn mit sulchen werten:
Sentence: 962    Liebster bruder, du bist zu kune dines leibes, entslach dich und masse dichs und habe ding in guter achte, das sich unser finde unser velle icht frawen.
Sentence: 963    Troylus:
Sentence: 964    Liebster bruder und herre, noch uwern geboten wil ich mich gerne halden, doch ist sich yn disen dingen nicht blodlich zu beweisen.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.