TITUS
Guido de Columnis, Buch von Troja
Part No. 69
Previous part

Paragraph: (69) 
Sentence: 998       Hyn zcoch Hector mit den synen.
Sentence: 999    Hector was ein man, starg des leibes, groß, mutig zu streite, weise und gutes rates.
Sentence: 1000    Seyne wopen waren also:
Sentence: 1001    das felt des schildes was gancz gulden, mitten eyn roter lawe.
Sentence: 1002    Als Hector vor das thor quam, liß er syne panire uff werffen und zooch den synen vor.
Sentence: 1003    Die edelen frawen, die in der stat bliben, stigen uff die maueren der stat und sahen das slahen der streyter.
Sentence: 1004    Al der uff stigen uch des koniges Priamus tochtere und Helena, die irbibete vaste vor forchte, und hatten manchir hande gedangken in yrem herczin.
Sentence: 1005    Wy wol das war sey, das Heotor syne ding zu streite wol geschikt hatte, doch was Agamenon nicht seumig in syner schigkunge.
Sentence: 1006    Sicherlich uß synem volgke hatte er gemacht sechs und czwenezich spiczen.
Sentence: 1007    Die erste spicze entpfal er Patroclo, der hatte by ym dy synen und uch dy, die Achilles do hatte.
Sentence: 1008    Aber Achilles quam den tag nicht zu streite, wenne er was wunt, sundern er entpfal die ding Patroclo, wenn sie gar ein mittenander waren.
Sentence: 1009    Die ander spicze entphal er dem konige Meno, Edumeo und dem herczogen von Athen und hatten dreutusent gewopente.
Sentence: 1010    Die dritte spicze enpfal er dem konige Astalapho und synem sone Philimeno.
Sentence: 1011    Dor zcu schigkte er alle Cirmanen.
Sentence: 1012    Die virde dem konige Archelao und Prothenor mit dem volgke Bohetie, die funfte Menelao von Sparten, die sechste Epistropho und Colido, dy sibende Telamonio und Aiax, die achte Coas, die neunde Cilmeo, dy czehende Philiton, die eilffte dem herczogen Ydumeo, dy zwelffte Nestor, dy dreyczende Hones, dy virczende Ulixes.
Sentence: 1013    Die funfezende spieze furte der konigk Humelius.
Sentence: 1014    Dy sechezende furte das volgk Protesali, wenn yr herre was tot geslagen.
Sentence: 1015    Dy sibenezende furte der konig Palamides, die der konig Rodi, dy XIX der konig Torripolus, dy XX Santipus, der konig Lidorum, und Amphimacus.
Sentence: 1016    Die XXI spieze furte der konig Philotetis, dy XXII Dyomedesf und Stelonus, dy XXIII Heritus, der konig von Ciperen, dy XXIIII Prothelaus, dy XXV der konig Tapenor undg Capodir.
Sentence: 1017    Dy XXVI und leczte spieze furte der konig Aganienon selbir als ein gebieter des ganczen heres.
Sentence: 1018    Als die spiczen beider seit also geschigket waren, czogen igliche uff ein placz felt zu streite.
Sentence: 1019    Hector, der stargke man, zum ersten haw er an zu den Crichen.
Sentence: 1020    Gegen dem quam Patroclus, dem der Crichen erste spicze entpfolin was.
Sentence: 1021    Die zcwene troffen hertlich mitenandir mit den glefen und quamen dornoch zu den swerten.
Sentence: 1022    Zu leczt belag Patroclus tot.
Sentence: 1023    Den liß der konig Menon yn seyn gezcelt furen.
Sentence: 1024    Aldo fur Hector vor sich, er streit gar ritterlich.
Sentence: 1025    Er wunte und irslug vil der Crichen, also das sie weichen musten.
Sentence: 1026    Al do quam Manesteus, ein herczoge von Athenen, mit drytusent gewopenten uff die lingke seyte der Frisen.
Sentence: 1027    Do selbis was Troylus, der die Crichen swinde vorleczt hatte an den selben arte.
Sentence: 1028    Al do wart hertlich gestriten hyn und wider, byß das Manesteus Troylum fingk.
Sentence: 1029    Das sach der ritter Miseres, das Troylus, des koniges Priamus son, gefangen gefurt wart.
Sentence: 1030    Der schrey die Frisen an:
Sentence: 1031    0, ir stargken manne, wu durch seyt ir zu streite kommen?
Sentence: 1032    Seyt ir nicht hy umb ere und rittersehafft?
Sentence: 1033    Schemet ir uch nicht?
Sentence: 1034    Sehet ir nicht, das man des mynes heren son, Heotoris bruder Troylum gefangen furt?
Sentence: 1035    Weret ir das nicht, ir und ewer noch komelinge werden do von schande und uffrugk haben.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.