TITUS
Guido de Columnis, Buch von Troja
Part No. 72
Previous part

Paragraph: (72) 
Sentence: 1105       Also Cassandra nicht abelassen wolde von sotonen betrubeten worten, hieß sie Priamus vahen und behalden.
Sentence: 1106    In disen fride tagen stunt eyn sotten unglimph uff under den Crichen, das Palamides widersprach Agamenon, das er sulchir herschafft nicht wirdig were zu herschen obir also vil konige und fursten, sint er nicht von in allen, sundern alleyne von yr dreyen dorzcu irwelt were ane volwart der andern.
Sentence: 1107    Aber diß wart vorder nicht uß getragen.
Sentence: 1108    Als die fride tage ende hatten, schigkete Agamenon syne spiezen zu streite.
Sentence: 1109    Die erste entpfal er Achilles, dy andir Dyomedes, dy dritte Menelaus, dy vierde Monesteo, herczogen von Athenena, und dy andern spiczen alle nocheinandir bestalte der genante Agamenon gar vorsichtiglich.
Sentence: 1110    Aber Hector bestalte und schigkte ouch syne spiczen gar weislich.
Sentence: 1111    An die erste schigkte er Troylum, und an die andir schigkte er gar streitbar und wol irfarne manne.
Sentence: 1112    Hector zcoch zu der stat uß mit den synen in grosser manhafftigkeit und zcoch mit den Crichen in eyn felt.
Sentence: 1113    Als Hector Achilles gewar wart, rante er yn an und der yn wider, also das sie beide fielen.
Sentence: 1114    Abir Hector quam ee wider uff sein pfert wenn Achilles und wunte und morte vil leute.
Sentence: 1115    Achilles tat ouch das selbe biß also lange, das die selbe zcwene aber an eynandir quomen, und Hector stach yn aber nyder, und Achilles quam abir wider uff mit hulffe der synen und slug Hector uff den helm, das er sich kaume enthilt, das er nichten viel.
Sentence: 1116    Als er sich wider irholte, wunte er Achilles, das ym das blut obir das antlucz ran.
Sentence: 1117    Also quomen sie aber von eynandir.
Sentence: 1118    Dornoch fiengk Dyomedes Troylum.
Sentence: 1119    Und also wart von beiden teilen hertlich gestritten biß also lange, das die Troyanischen dy Crichen so swinde drungen, das sie flohen biß an yre gezcelt, und vil worden ir an der flucht irmordet und vil gewunt.
Sentence: 1120    Do ging die nacht her zcu, das der streyt ende nam etc.
Sentence: 1121    [A]lle crichische konige quomen in der nacht in das gezcelt Agamenon und rieten manche weise und wege, wie sie Hector irmorden mochten, und sprochen:
Sentence: 1122    Es sey denn, das Hector sterbe, so moge wir den von Troye mit streite nicht oben geliegen.
Sentence: 1123    'Zcu leczt wart das Achilles mit den, die ym geschigkt warn, entpfolen.
Sentence: 1124    Am andern tage fru griffen dy Crichen die ding zu streite wider an, und Hector quam uß der stat widder an sie und Eneas mit ym und Paris, Deiphebus, Troylus und die andern alle igliche, als sie geschigkt waren.
Sentence: 1125    Hector begunste des streites mit den Troyanischen und allen yren helffern, der was an der zeal, als Dares schreibdt, hundert und funffczig tausent, die do stritten.
Sentence: 1126    Al do wart wunder hefftlich und mortlich von beiden teilen gestritten.
Sentence: 1127    Paris mit den von Persia, die hatten vil bogen und geschuczes und morten do mit unczellich vil leute der Crichen und wunten sie swinde.
Sentence: 1128    Under des quomen zu sampne Agamenon und Hector, und hette Achilles Agamenon nicht geret, is hette ym veste gelegen.
Sentence: 1129    Do entkegen quomen Troylus und Eneas mit den yren und stritten wider Achilles.
Sentence: 1130    Dyser streit werte den tag, und uff beiden teil wurden vil leute wunt, vil irslagen und vil gefangen.
Sentence: 1131    Also ging dy sonne undir, die nocht quam.
Sentence: 1132    Darnach als schieden sy von eynandir, und dy Crichen hatten unden gelegen denn tag.
Sentence: 1133    [A]m andern tage fru saczte Priamus uff, den tag zu ruen und nicht zcu streiten und vorbote vor sich Hector, Paris, Eneas, Deiphebus und Troylus etc.
Sentence: 1134    und sprach:
Sentence: 1135    Wist ir nicht, das wir den konigk Coas in un- serm gefengkeniß haben, der wider uns her quomen ist unvorschulter sachen.
Sentence: 1136    Deucht es uch gut, wir wollen uns an ym rechen und yn an eynen galgen beugen adder hende und fusse ab hawen.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.