TITUS
Guido de Columnis, Buch von Troja
Part No. 76
Previous part

Paragraph: (76) 
Sentence: 1166       Aber doch, do in der rat allen wol geviel, wolde Hector alleyne widder do nicht seyn.
Sentence: 1167    Eyn iglicher weiser man, der umb rat gefraget wirt, wy wol das vil leute dar wider seyn, doch mag er seyne meynunge wol sagen.
Sentence: 1168    Es geschicht digke, das eyns und euch des jungisten rat vil der andern und der eldisten zcu seynem rate zceucht, doch pfleget der rat der eldisten und der mennige allirmeist vorzcugeen, wy wol der rat des mynnern teyles zu stunden nuczer wer.
Sentence: 1169    Do von so volgete Hector der mennige mit dem rate, und also wart eyn fride begriffen und gegeben dreumonden.
Sentence: 1170    Das geviel beide den Crichen und den Troyanischen, uff das das sie bynnen der zceit geruen und die gefangen uß gewechselen mochten.
Sentence: 1171    Bynnen den friden tage quam Hector in die gezeelt der Crichen.
Sentence: 1172    Den sach Achilles gar gerne, wenn er yn vor nye bloß hatte gesehen.
Sentence: 1173    Sie hatten vil rede miteinander.
Sentence: 1174    Eyner bekante dem andern, das er ym noch leibe und gute gestanden hette, und das was nicht wunder, wenn uß feeden mag nicht lieb quommen noch uß hasse fruntschafft.
Sentence: 1175    Hector:
Sentence: 1176    Ir Crichen habit eyne grosse torstikeit gethan, das ir uns und die stat Troye belegen habet.
Sentence: 1177    Ir werdet gewar mit uwern schaden, wie ir von hynnen schaiden werdet.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.