TITUS
Guido de Columnis, Buch von Troja
Part No. 84
Previous part

Paragraph: (84) 
Sentence: 1318       Das clagen werte vil tage.
Sentence: 1319    Dy konige und edelen manne bestatten den Leichnam Hectors in eynem koniglichen grabe ouch mit jammer und clage.
Sentence: 1320    Sie rissen yr gewant und folgeten der leiche mit blossen hopten.
Sentence: 1321    Aber das was alles nicht wider die clage Priami, synes vaters.
Sentence: 1322    Manche fart erstarrete er gleich eynem toden.
Sentence: 1323    Das selbe taten uch alle syne bruder.
Sentence: 1324    Geschach das an den mannen, was wirt denn von den frawen, von der konigynne Eccuba, syner muter, von Pollixena und Cassandra, synena swestern, was von Andromata, synem beibe?
Sentence: 1325    Dy stalten unsprechlich jammer, wenn von swacheit wegen weipliches wesens waren sie zcu weynen bereiter wenn die man.
Sentence: 1326    Is wer lang, zu sagen, was igliche jammers stalte mit worten und wergken, sint von natur dy weyber geneiget syn zu weynen und zcu clagen.
Sentence: 1327    Der konigk Priamus ließ den Leichnam Hectors in eyn grab legen, das was wunder meisterlich gemacht, und das man synen Leichnam offentlich gesehen mochte in dem tempel Appollinis.
Sentence: 1328    In den dingen, als Hector tot was und Achilles swinde wunt, ließ Agamenon zu sampne vorboten die konige und edlen man der Crichen und sprach:
Sentence: 1329    Dangke wir den goten, das unser fient Hector tod ist, sint er unser frunde so vil ermort hat, als die konige Prothesalum, Patroclum, Menon, Cedium, Philatonem, Prothenor, Santipum, Amphimacum, Archilogum, Ceroban, Deunn, Polhxenor, Isidim, Pollibeth und andern vil edeler man und der unsern.
Sentence: 1330    Was werden vor meer dy Troyanischen hoffen anders wenne yr vorterbniß und wir obir sie den sig in korczen tagen.
Sentence: 1331    Nu moge wir an Achilles nicht wol gestreuten.
Sentence: 1332    Deucht es uch gut, wir wollen zwene monden eynen fride uff nemen mit Priamo, das wir unser toden gebrenten und unser wunden geheilen.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.