TITUS
Guido de Columnis, Buch von Troja
Part No. 83
Previous part

Paragraph: (83) 
Sentence: 1288       Syne muter Heccuba, dy konigynne, Cassandra und Polixena, syne swester[n]a, und ouch Helena boten yn allesampt weynende, das er den harnisch ab leite und blibe.
Sentence: 1289    Aber er karte sich widder an ir bethe noch an yr beynen nichtis nicht.
Sentence: 1290    Als er uff wolde siczen, lieff Andrometa vor den Priamo.
Sentence: 1291    Sye reyß yre cleyder, sie zcukraczte yre wangen, sie rauffte yr har und wart also ungestalt, das man sie nicht kante, und schrey lauter stymme zcu dem konige, das er Hector wider yn zcoge und liße yn nicht zu streite czihen.
Sentence: 1292    Der konigk rante ym noch und irwischte ym seyn pfert by dem czoume und bat yn, das er wider kerte.
Sentence: 1293    Lange werte er sich des vaters, doch korte er wider, aber den harnisch leite er nicht ab.
Sentence: 1294    Under des wort mortlich gestritten.
Sentence: 1295    Dyomedes und Troylus quamen an eynandir heff- tiglich.
Sentence: 1296    Dor zcu quam Menelaus mit den synen, der quam an den konigk von Frisen.
Sentence: 1297    Dor zcu quam Troylus und irmorte vil der Crichen.
Sentence: 1298    Dornoch quam Telamonius Ayax mit drey tusent gewopenten.
Sentence: 1299    Dornoch quam Paris von der Crichen teyl und Achilles und drungen die von Troye so swinde, das sie weichen musten yn dy stat.
Sentence: 1300    An der flucht erstach Achilles Margariton.
Sentence: 1301    Als das Hector vornam in der stat, do wart er vil nahe tobende.
Sentence: 1302    Er bant synen helm uff ane wissen des koniges Priami und zcoch in den streit.
Sentence: 1303    In dem grymme morte er czwene herczogen, Eropolum und Hosodum.
Sentence: 1304    Er fur vor sich, er wunte yr vil, er morte ir vil, er stach yr vil nyder.
Sentence: 1305    Des wart ein Criche gewar, gar ein stargker man, der hieß Lethides, der mochte sich an Hector, aber Hector irstach den selben.
Sentence: 1306    Do begeynte Achilles Hector in dem streyte, und mit Achilles was Polliteus, der reiche herczoge, und der meynte Achilles swester zcu freyen.
Sentence: 1307    Des selben Polliteum irstach Hector zu staden.
Sentence: 1308    Das mute Achilles so swinde, das er den woldee rechen adder wolde ouch sterben.
Sentence: 1309    Under des fingk Hector eynen Crichen konigk und bolde den uß dem hauffen furen und in die stat schigken und hatte synen schilt uff den rugken geworfen.
Sentence: 1310    Des wart Achilles gewar, das er den schilt zu rugke geworfen hatte, und rante mit eyner glefen uff yn und stach Hector zcu der brust yn, das er tod under das pfert vil.
Sentence: 1311    Do rante der konig Odemon uff Achilles und wunte yn so swinde, das yn die synen in das geezelt tragen musten uff eyner tartschen.
Sentence: 1312    Dye von Troya zcogen in, als ab sie den streit und die ding mittenandir vorloren betten, und furten mit yn yn dy stat den Leichnam Hectors.
Sentence: 1313    Des gunsten yn die Crichen.
Sentence: 1314    Als Hector tod yn gefurt wart zu Troye, was eyn groß clagen von allen leuten.
Sentence: 1315    Es was ouch nyndert eyn burger, er hette synen son liber lassen tot synn wenn Hector, were is den guten also behegelich gewest.
Sentence: 1316    Jungkfrawen und frawen starten ouch grosse clage und weynen und sprachen:
Sentence: 1317    Nu mussen unser kinder mit yren vetern jemmerlichen sterben, sint uns unßer frideschilt ist gestorben.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.