TITUS
Guido de Columnis, Buch von Troja
Part No. 86
Previous part

Paragraph: (86) 
Sentence: 1339       Aber do warn also vil leute bie der kor gewest, das es do bleyb, als es geschigkt was etc.
Sentence: 1340    Der konig Priamus begerte zu rechen mit dem swerte den tod synes sones, do die fride tage uß gingen czwene manden.
Sentence: 1341    Er schigkte selbir alle ding zu streite mit XX tausent rittern an syne spicze, und als Dares schreibet, hundert und funffczig tausent zu pferde zcogen den tag zu streite von Troya.
Sentence: 1342    Zcum ersten Deiphebus, dornoch Troylus, Paris, Priamus, Eneas, Menon Polidimas.
Sentence: 1343    Als Palamides die ding geschigkte, al do warn die Crichen gegen yn gereit und wart eyn grosser streit.
Sentence: 1344    Do storben abir ril leute.
Sentence: 1345    Der konigk Priamus quam an Palamidem und stach yn nyder und fur vor sich und morte vil Crichen, und den selben tag tat Priamus vil ritterliche tete, als alt er was.
Sentence: 1346    Do quam von der Crichen tei der herczoge von Athenen und Menelaus und stritten so hefftiglich, das die von Troye weichen musten.
Sentence: 1347    Als sie weichen wolden, hatten die Crichen eynen halt gemacht czwu- schen der stat Troye und dem streitenden here.
Sentence: 1348    Do slugen die Crichen hinden und vorne an dy Troyanischen, und hette Priamus mit synen naturlichen sonen nicht als grosse wer getan, sie hetten den tag unvorwintlichen schaden genommen.
Sentence: 1349    Aber Paris quam mit eynem grossen hauffen seythalben zu und rette die von Troye mit vil schuczen, das sie durch quomen in die stat, und also nam der streit den tag ein ende, und das lob wart Priamo zu gesaget vor den andern allen.
Sentence: 1350    Des morgens nomen dy Troyanischen eynen fride uff mit den Crichen.
Sentence: 1351    Es stet aber nicht geschriben, wie lange der fride stund.
Sentence: 1352    Bynnen den fride tagen ließen die von Troya den konigk von Persia in syn lant furen zu begroben, do die andern syne vorforn begroben lagen.
Sentence: 1353    Ouch beging man yn der zceit dy jarczeit Hectors.
Sentence: 1354    In der selben zceit zcoch Achilles ouch in dy stat ane rat, zcu besehen die stat und ouch die herlichkeit und jarzee it Hectors und ging yn den tempel Appollinis und besach das grab Hectors.
Sentence: 1355    Do bey waren vill edler man und frawen und beclagten so den tod Hectors by synem todem Leichnam.
Sentence: 1356    Den sach man offentlich eynem tabernagkel uff eynem stul siezen, als ab er lebete, wenn er was mit ungent und mit balsam also bewart, das er nicht vorwesen mochte.
Sentence: 1357    Aldo was ouch Heccuba dy konigynne, und Hectors swester und vil edler frawen, die hatten all ir har zuflewet und zustrewet obir yre antlucz und obir yre rugken und weynten alle und clageten bitterlichen, vor war, das die trenen lieffen obir dy wangen der schonen frawen und jungkfrawen.
Sentence: 1358    Das hatte eyne gestalt als der eyn clar lauter wasser uff eyne mermelstein taffel gesprenget, wenn von den engisten und leidungen wegen waren die rosen faren wengelyn vorblichen.
Sentence: 1359    Also was ouch das golt var gele har zustrewet gleich den guldenen fedemen.
Sentence: 1360    Also greiff etwan Hectors swester Pollixena an das bar von ungeschicht, do waren die finger so weiß uff dem hare, sam miliche uff golt gesprenget wer.
Sentence: 1361    Das sach Achilles.
Sentence: 1362    Den dauchte, das er frawen bilde ny gesehen hette, das schoner adder gleich wer Pollixene, und das yn eyner personen zu sampne so groß adel und schonde wer.
Sentence: 1363    Den stargken man vorwunte dy schonde des swachen weybesnam so obirswenglich, das yn das dauchte, syn hercze brente in synem leibe, und er wart also gewunden, das er nicht wuste, was er thun solde.
Sentence: 1364    Er vorgaß allir ander sorge und bekommene sich mit der schonde Pollixene alleyne, und also vorwunte er syn hercze ye tiffer und tiffer.
Sentence: 1365    Also Heccuba, die konigynne, us dem tempel ging mit yren tochtern und die clage ende hatte, volgete Achilles noch, wo er mochte.
Sentence: 1366    Do von sich sachte der begyn synes argen.
Sentence: 1367    Dornoch ging er in syn herberge, er was ym selbir gancz entfremdet und ungeduldig war[dlen, do von so machte er nicht begynnen.
Sentence: 1368    Er leyte sich yn eyn bette und was recht siech vor libe und mormelte yn ym selber also:
Sentence: 1369    We mir, we, den stargke man nicht obirwinden mochten und euch der stergkste Hector nicht obir want und das angesicht eyner swachen jungkfrawen obirwindet!
Sentence: 1370    Wer mag mir gehelffen?
Sentence: 1371    Nymant wenn sye alleyne.
Sentence: 1372    So wie ist mir gescheen, das ich die lip habe, dy meyn hopt fint ist, sint ich bin her kommen, yr lant zu vorheren, yre eldern zu morden, und gereit yren bruder gemort habe.
Sentence: 1373    In welcher weise werde ich sy zcihen zu myner libe, sint sie edler und reicher ist wenn ich?
Sentence: 1374    Dor zcu so ist sie die schonste, so ich sie ye gesach.
Sentence: 1375    Vor war, es ist keyne weise noch weg, mich selig zu machen!

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.