TITUS
Guido de Columnis, Buch von Troja
Part No. 87
Previous part

Paragraph: (87) 
Sentence: 1376       Und also karte er sich gein der want und weynte heymlich.
Sentence: 1377    Dornoch wandelte er das weynen in suffczen und wug hyn und widder manche wege, wie er hir durch quomen mochte.
Sentence: 1378    Er stunt uff von dem bette und wusch syn antlucz von den trenen.
Sentence: 1379    Als die nacht her ging, Achilles leite sich in das bette und wachte die gancze nacht und dochte, ob er doch an der konigynne Heccuba mochte irwerben yre tachter zu elichem leben.
Sentence: 1380    Do von so sante er des morgens fru eynen syner heimlichen boten zu der konigynne Heccuba und gab ym yn dy forme der botschafft.
Sentence: 1381    Der quam heymlich zu der konigynne und warb syne botschafft und sagete, were, das dy freyet zu ginge, syn herre wolde das schaffen, das die Crichen abzcogen, daß vortmeher dy von Troya ungeleidiget bliben und alle ding fruntlich hin geleit wurden.
Sentence: 1382    Dye konigynne Heccuba was weyse und antwerte dem boten in vil irsuffczen und sprach:
Sentence: 1383    Frunt, kere zu dynem herren und sage ym, als vil als is an mir leit, so will ich irfullen syne begerunge.
Sentence: 1384    Sal aber das ding redlich zu gehen, so muß ichß an den konig und Paris, mynen son, brengen.
Sentence: 1385    Wie ich von den bcricht werde, das will ich dir obir dreu tage wider sagen.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.