TITUS
Guido de Columnis, Buch von Troja
Part No. 115
Previous part

Paragraph: (115) 
Sentence: 1739       Also wart in dem ratte Anthenor irwelt zu eynem legatn und botn zu den Crichei-i, zu reden und handelunge zu haben umb süne und fride.
Sentence: 1740    Alß sie uß dem rate gingen, lieffen die von Troye mit czweigen von ölbaumen uff die mauer zu eynem zceichen des frides.
Sentence: 1741    Also des geleichen goben die Crichen eyn zeeichen hyn wyder.
Sentence: 1742    Anthenor lissen sie obir die mauer hin uß.
Sentence: 1743    Als er uff wart genornen von den Crichen und gefurt vor Agamenon.
Sentence: 1744    Der konig Agamei-lon mit den Crichen entfal dem konige Crete, Ulixi und Dyomedi dise tedinge, wie sie es machten, also welden es dy Crichen halden.
Sentence: 1745    Das globten sie und swuren es.
Sentence: 1746    Die drey mit Anthenor troten uff eynen ort.
Sentence: 1747    Al do globte Anthenor,die stat zu vorraten den Crichen, also das Eneas und er, yre frunde und mogen und alle yre habe gesichert were und unbeschediget blibe.
Sentence: 1748    Das selbe globten die drey festiglich zu halden und ouch, das das heymlich gehalden sulde werden, uff das das dise ding diste redelicher yren vorgang gewunnen.
Sentence: 1749    Anthenor bat die Crichen, das sie Calabius, den alden konig, dem man leichtlicher gloubet, mit ym senten, das er von den von Troye irfure, ab es yn behegelich wer, was Anthenor getedinget hatte umb fride.
Sentence: 1750    Aber die botschafft geschach noch der beschonunge und nicht noch der worheit.
Sentence: 1751    Als sie vor Priamum, den konig, kommen, lud er die burger, zu vorhoren die botschafft Anthenors.
Sentence: 1752    Anthenor mochte vil wart und meynte zu degken syne falschhait und leite vor die mennige, macht, leufftikeit und redlichkeit der Crichen und die bestetunge des frides.
Sentence: 1753    Er leite ouch vor die swacheit der Troyanischen und das sie vort meher nicht hetten, wenn jammer und leit.
Sentence: 1754    Und do mit gab er zu vorsten, wie man wege mochte finden, das yr lait ein ende bette, und leyte das zu, das man des ungemaches anders ende nicht mochte gehaben, wenne mit vil silbers und goldes widder statunge gein der zcerunge, die dy Crichen uff sy gethan hetten.
Sentence: 1755    Dorumb riett er dem konige und den wol habenden, das sie dy rymen zcogen und dy schreyne uff teten, sich zu irlosen uß sulehen banden.
Sentence: 1756    Wenn noch dem sprichwarte:
Sentence: 1757    Es ist besser, das man die beütel ledige, wenn das man lange in engisten lebe.
Sentence: 1758    Anthenor hatte noch nicht eyn gancz ende von den Crichen, do von so bath er Eneas, mit ym zu den Crichen zu zeihen und zu tedigen eyn gancz ende.
Sentence: 1759    Sie zcogen beidesarapt hyn mit dem konige Colabeo.
Sentence: 1760    Priamus was in grossen noten von der falschait und vorreteniß wegen und umb die morde, dy an den synen gescheen warn, und schaden, die er iogenomen hatte, und das er sich nu von yn keuffen müste, und dennoch was er synes lebens nicht sicher.
Sentence: 1761    Helena wat ouch Anthenor, wenn er in botschafft zu den Crichen czihen wurde, das er mit Menelao, yrem manne, rette und yr gnade von ym erwurbe.
Sentence: 1762    Das globte Anthenor zu werben.
Sentence: 1763    Under des wart Glaucus, Priamus son, erlich bestat, und der konig Philimenis bat umb den Leichnam Pentafilie, wenn der fride bestetiget wurde, das man yn yn das konigreich Amasonum brechte zu bestatten.
Sentence: 1764    Anthenor und Eneas mit den dreyn, die dy Crichen erwelt hatten, handelten vort das vorreteniß der stat unde umb vorsünunge Helene mit Menelao und irwerbunge yr gnade von ym.
Sentence: 1765    Do von so schigkten die Crichen Ulixes und Dyomedes mit Anthenor und Eneas gein Troye.
Sentence: 1766    Als sie vor den konig Priamum quomen, do waren dy burger ouch alle geinwertig.
Sentence: 1767    Do sprach Ulixes:
Sentence: 1768    Die Crichen muten von uch zewey:
Sentence: 1769    das eyne, das yr yn yren schaden mit gelde irleget, das andir, das ir Amphymacum ewiglich vortreibet.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.