TITUS
Alexanderroman (Johann Hartlieb)
Part No. 36
Previous part

Chapter: 28  
Paragraph: 34  
Alexander zieht die alten Ritter den jungen vor

Line: 840   Wie Allexander lieber hett die alten ritter dann die jungen. XXXIIII


Line: 841     Da daz erhortten die ritter altt, da sameltten sy ainen ratt vnd gaben anttwuertt
Line: 842     dem kunigk Alexander in soleicher mass: 'O gewalttiger kunig Alexander,
Line: 843     wier sein altt vnd krannck vnd haben manig hertte vartt mitt deinem vatter
Line: 844     gethan vnd tawgen nun zumal nicht zu streytt, wann es ist vns machtt vnd
Line: 845     krafft enttgangen. Darumb, sey es dein wille, so vberhebe vns der ritterschafft
Line: 846     vnd lass dich benuegen, daz wier gar vil pey deinem vatter gethan haben'.
Line: 847     Alexannder anttwuertt in hinwider: 'O ir getrewen, tewren ritter vnd kchriechen,
Line: 848     ich wil ewr ritterschafft gar vil lieber haben, dann der iungen, wann ir
Line: 849     habtt vil gesechen vnd erlitten vnd was ir thuett, daz thuett ir mitt ratt vnd mitt
Line: 850     weyßhaitt. Vnd darumb mag ewch in kainen sachen mißelingen. Was aber die
Line: 851     iungen, frechen vnd starcken ritter thuen, daz thuen sy an ratt auss iren krefften
Line: 852     vnd wann dann krafft wider krafft ist vnd kain weyßhaitt da pey, so
Line: 853     geschiechtt offt verlust vnd schade in den streytten. Darumb man ich ewch als
Line: 854     die getrewen, daz ir mich nichtt last, wann ich doch allain durch ewr eree
Line: 855     vnd nucze cziechen vnd herfertten auch streytten wil.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.