TITUS
Alexanderroman (Johann Hartlieb)
Part No. 37
Previous part

Chapter: 28a  
Paragraph: 35  
Alexander sammelt sein Heer

Line: 856   Wie alles volck Allexandro gar willig was vnd wie er gar ain gross volck sammet
Line: 857   zuͦ streit. XXXV


Line: 858     Da Alexander dißew wortt volprachtt, da sprachen all ritter, jung vnd altt, auss
Line: 859     ainem gemuett, rechtt als sy von iren gottern darczue genottett waren: 'Herr
Line: 860     vnd gewalttiger kunig, zewch wa du wiltt, so wellen wier all mitt leib vnd
Line: 861     guett mitt dier kcherenn vnd vns sol kain nott noch angst von dier schayden,
Line: 862     wann wier sechen vnd mercken, daz du vnnser ere vnd lobe weyttern vnd
Page: 123  Line: 863     hochpraytten wildt'. Da Alexander diee wortt erhortt, er dannckt in gar fleyßigcleich
Line: 864     vnd thett auf schließenn all schaͤcz seines vatters, die vor lanngen iaren
Line: 865     gesameltt waren vnd gab gar milttigcleich allenn, diee bedorfften des, ross,
Line: 866     harnasch, gewanndt vnd czerungee. Er lies kain man mangeln haben. Er
Line: 867     beraytt auch shunst gar maniger hanndt geczewg, so zu streytt vnd vber wazzer
Line: 868     gehoren, daz wardt alles gar schier beraitt vnd menigelich kom berait mit allem
Line: 869     zewg zuͦ der hörfart. Da nun manigkleich beraitt was zu der heerfartt, da
Line: 870     begundt Alexannder zelen sein volck vnd fandt guetter man zu fuess zwayunddreyssigk
Line: 871     tawßentt, zu ross guetter ritter vierczigk tawsentt vnd hundertt vnd
Line: 872     achczigkch scheff, die manigerlay notduerfft vnd czewg in die fromden lanndt
Line: 873     truegen. Mitt ainem so kchlainen heere czoch auss Alexannder alle werltt zu
Line: 874     bestreyttendt, als weytt vnd lanng was der kchrayss der sunnen. Nun mag ein
Line: 875     weyßer man wol fragen, ob daz ain groͮzzer wundrär wär, daz er alle werltt
Line: 876     beczwang, oder daz er torst, alle werltt anreytten mitt ainem so klainen heer.
Line: 877     Weleichs daz grosser wunder sey, daz kan ich nichtt versteen. Er name mitt im
Line: 878     gar reichen schacz, den kunig Phylipp lannge iar gesamelt hett. Er luedt vnd
Line: 879     beschwartt seinee scheff vnd kerett am ersten in daz mochttig kunigkchreich
Line: 880     tracia.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.