TITUS
Alexanderroman (Johann Hartlieb)
Part No. 41
Previous part

Chapter: 38a  
Paragraph: 39  
Saitenspiel vor Alexander

Line: 952   Wie Allexander kain saiten spil erfrāen mocht noch kain ander schimpf


Line: 953     In der statt thebas was ain weiser man, der wolgelert was auf manger hand saitten spil
Line: 954     vnd kam fur Allexandrum vnd spilt gar frolich auf den saitten vnd sang dar zu gar
Line: 955     loblich simphonei. Da mit wolt er gewaicht haben das gemüt Allexanders, das er die
Line: 956     statt so gar nicht zustort noch zerprochen hett. Do das nit half vnd er den starcken kunig
Line: 957     Allexander mit dem sussen saitten spil nit gelinden moch, do verstuͦnd er wol,
Line: 958     das er ain keck man was vnd sich mit gesang der stim vnd klingen der saitten nicht lies
Line: 959     vber winden, als die waichen, hercz losen fursten tuͦnd, die durch suss getön der saitten
Page: 126  Line: 960     vnd melodey der gesamelten stymen irer manhait vergessen. Er gedacht in hoher zuͦ
Line: 961     pitten vnd warff von im alle saitten spil vnd viel im zufassen vnd sprach zu Allexandro
Line: 962     also: 'O aller machtigister kunig Allexander, reitt nicht auf die gruntfest diser hochwirdigen
Line: 963     stadt, wann die vntottlichen gotter haben dir die gepawet vnd deinen vorforderen.
Line: 964     Gedenck, das dein elter Hercules hier erzogen vnd geporen ist, schaw ach die kostlichen
Line: 965     mawren, die da hahen gepawet dein mag vnd fraind, gedenck, das aus diser statt thebas
Line: 966     alle kunst gen kriechen in dein land geflossen ist. War vmb wiltu das ding, das mit aller
Line: 967     weishait hie gesamlet ist so lange iar in so kurczer zeit zerstoren? O wie weislich du
Line: 968     tuͤst, ob du auf haist horn die statt zu wuͦsten.' Was aber der weis man ye gesang, was
Line: 969     susses gedones die sein saitten ye klüngen, was guͦter wort vnd ermanens der weis man
Line: 970     tett, das half alles nicht vnd was alles verlorn, wann Allexander hett von den purgern
Line: 971     solich spottlich wort entpfangen, das niemant seinen zorn gesenffen mocht. Er tett die
Line: 972     statt alle fellen mit fewr, graben vnd mit dem schwert. Als nün die statt gancz zerstortt
Line: 973     was, da vand Allexander vnsagliche reichait dar in. Die tailet er vnder seine ritter vnd
Line: 974     kertt sein her furbas zuͦ ainem land, das haist karintin. Als Allexander das land
Line: 975     geraumpt hett vnd sein her dar aus gefuͤrt.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.