TITUS
Alexanderroman (Johann Hartlieb)
Part No. 40
Previous part

Chapter: 38  
Paragraph: 38  
Eroberung Thebens
Page: 125 

Line: 929   Wie er besas thebas. XXXVIII


Line: 929a     Da bewegt er alles sein heere vnd czoch gegenn orienntt vnd alle lanndt,
Line: 930     stett vnd purge ergaben sich an in als lanng, piss er kam zu ainer moͮchttigen
Line: 931     statt, die hiess thebas. Die purger der selben statt verrigeltten vast ir portten
Line: 932     vnd sacztten sich zu wer vnd wappnetten alles ir volck, daz sy hetten vnd
Line: 933     besacztten ir mawren mitt funff hundertt mannen guetten wappnärn. Sy
Line: 934     schrieren mitt hellen stymen: 'Wier furchtten nichtt Alexanderum (!). Ja, wann
Line: 935     kumbt er, warumb ist er so lanng auss, warumb vächt er den streytt nichtt an
Line: 936     vnd treybtt vns von den czinnen'. Daz erhortt Alexander, der weys vnd wolgelerett
Line: 937     zu dem streytt. Er begundt senfftigcleich lachen vnd sprach: 'Ir gar
Line: 938     ainuolttigen streytter, warumb bedenckt ir ewch nichtt pazz? Warumb thuett ir
Line: 939     so kchindtleich in ewren groͮßen noͮtten? Ir habtt versperrett ewr thoͮrr als diee
Line: 940     fluchttigen vnd manett mich zu streytt'. Darnach zu stundt ordnett Alexander
Line: 941     tawßentt gewappnatter ross, die ranntten piss an die mawr vnd thetten den
Line: 942     ynnernn gross vnrest, wann sy hetten soleich geschoss vnd pfeyl, daz ir kchainer
Line: 943     auff der mawr sicher beleyben mochtt, sunder sy fluchen all von der mawr.
Line: 944     Darnach luffenn an die mawr die fueßlewtt mitt agsten, pickeln, hamern,
Line: 945     hawen, gapeln, prechstangen vnd legttenn der mawr ain gross ortt nyder, daz
Line: 946     gar ein weytte gazzenn in die statt wardt. Daz tryben die seinen byss ann den
Line: 947     drytten tag. Da wardt gewunnen thebas vnd alle thueren, mawren, thoͮrr vnd
Line: 948     schloss wuerden Alexander offen. Alexander fuer also mitt gewaltt in die
Line: 949     mochttigen statt vnd hyess sy an allen orttern prennen vnd nyder graben vnd
Line: 950     alles czerstoren, daz darynne was. Daz thett er den andern stetten vnd lanndten,
Line: 951     die sich wider inn seczenn wolten zuͦ ebenbild vnd beyspil.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.