TITUS
Alexanderroman (Johann Hartlieb)
Part No. 39
Previous part

Chapter: 33  
Paragraph: 37  
Alexander in Ägypten
Page: 124 

Line: 896   Wie er kam in egyppten land vnd vand die sawl seines vaters Nectanabus.
Line: 897   In dem XXXVII


Line: 898     Darnach sameltt er zu hawff alles sein volckch, daz weytt gestraett was, die
Line: 899     lanndt vnd stett zu notten, zu ainem heere vnd czoch in egippten lanndt. Da
Line: 900     daz erhortten die fuersten vnd die gemain des lanndes egypptten, daz Alexannder
Line: 901     käm mitt kchreeffttigem heere, da besameltten sy weysen ratt, wye sy sich
Line: 902     haltten soltten oder woltten. Vndter dem ratt waren auch die potten, die vor
Line: 903     czeitten gefragtt hetten den abttgott in egypptten, wo ir herr hin komen wär.
Line: 904     Sy waren auch wol ingedenck, daz der abttgott in gesagtt hett, Nectanabus wär
Line: 905     geflochen vnd vber ettleiche iar soltt komen ain iunger, der wär rechtter
Line: 906     erb zu dem lanndt, der soltt sy czwingen vnd sy wuerden im gehorsam vnd
Line: 907     vnderthann. Daz sagtten sy dem volck. Darumb so woltten die egippttner
Line: 908     kainen streytt wider in erhebenn. Sy giengen im enttgegen mitt großen frewden
Line: 909     vnd gaben sich an sein genade vnd huldetten im als die seinen mitt rechtter
Line: 910     gehorsam. Sy fuertten in mitt großen frowden in ir hawbttstatt. Da er auf den
Line: 911     placz kam in der statt, da vandt er gar ain kostleiche marmelstaineinew säwlen.
Line: 912     Da fragtt er: 'Wes ist die figur?' Die egyppttner sagtten im: 'Die sawlen ist
Line: 913     gemachtt ainem kunig von egypptten, der hyess Nectanabus, der floch auss
Line: 914     seinem reich, ee er woltt, daz sein lanndt verderbett wuerdt. Durch soleich sein
Line: 915     trew haben wier im gemachtt disew säwlen zu ewiger gedächttnuss, wann wier
Line: 916     wißen nichtt, wo er hin komenn iste Da Alexannder daz erhortt, er stuendt
Line: 917     vonn dem pfärdt vnd vmbfieng diee säwlen mitt gespannen armen, wainenden
Line: 918     augen vnd vast sewffczendem herczenn. Er grueßett die säwlen vnd erkanntt,
Line: 919     daz er sein sun was. Nun betrachtt Alexander lanng in im selber, ob er sagen
Line: 920     woltt, daz er Nectanabus sun wär, wann er west wol, daz im die egippttner so
Line: 921     trewleich peygestannden waͤren als die kchriechen vnd die waren im dann vast
Line: 922     nucz vnd guett gewesen, wann er hett verr haym in kchryechen lanndt. Er wag
Line: 923     es hin, er wag es herwider. Zu leczst beschloss er, daz er sich sunder sein
Line: 924     muetter schanndt vnd laster nichtt genennen mochtt. Vnnd sprach wider sich
Line: 925     selber: 'Ee ich meiner muetter ein schanndt wortt woltt machen, ee woltt ich
Line: 926     aller meiner kunigkreich, lanndt vnd lewtt mangeln vnd enperen'. Als nun
Line: 927     Alexannder egypptten lanndt gancz besezzen vnd gewalttigkleichen ynnee
Line: 928     hett,



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.