TITUS
Alexanderroman (Johann Hartlieb)
Part No. 46
Previous part

Chapter: 43  
Paragraph: 44  
Unterwerfung Lacedemonias und Darius' erster Brief an Alexander
Page: 132 

Line: 1145   Wie Allexander den ratt von athenis verschmächt. XXXXIIII
Line: 1146   Wie Allexander bezwang lacedemaniam. XXXXV. XXXXVI
Line: 1147   Wie Allexander Dario nauhent vnd wie ym Darius ain brief sant. XXXXVII


Line: 1148     Ich hett ewch vor geschriben, daz ir czechen ewr weysen purger, ratt vnd
Line: 1149     gelertt maister zu mier soltten senndten. Darynne seytt ir vngehorsam gewesen,
Line: 1150     des habt ir schuldt. Nun sultt ir wißenn, das ich nichtt bedorff ires rattes
Line: 1151     noch weyßhaitt, wann diee meinen vnd ich mitt soleicher gehorsam vnd ainigkaitt
Line: 1152     leben, daz wier nyemandtcz ratt beduerffen. Wann wo ainigkaitt ist, da ist
Line: 1153     nichtt noͮtt vil rattes. Wann hiett ich der meinen ratt gehabtt, sy hietten langst
Line: 1154     mitt gewaltt ewer mawren vnd czynnen erstytten. Daz woltt ich nichtt thuen,
Line: 1155     wann ich woltt schoͮnnen der weyßhaitt Aristotiles, die er auss ewrer statt
Line: 1156     emphangen hatt. Darumb woltt ich, daz ewr weyss maister zu mier koͮmen
Line: 1157     waren vnd daz wier vonn weyßhaitt geredt hietten'. Da daz vernamen die
Line: 1158     burger zu athenis, sy waren betruebtt, daz sy nicht geuolgtt hetten dem gepoͮtt
Line: 1159     Allexandri vnd stuenden also in großen angsten vnd sorgen, wann sy hetten
Line: 1160     vernomen auss Alexanders wortten vnd wercken hoche weyßhaitt. Darnach
Line: 1161     sameltt kunig Alexander alles sein heere zu ainem hawffen vnd kerett es in
Line: 1162     daz lanndt lacedonia. Als er dem lanndt nachen begundt, da sameltt sich daz
Line: 1163     volck alles vnd verrigeltten ir strazzenn vnd besacztten irew wazzer mitt vil
Line: 1164     starcken scheffen vnd beraitten sich mitt ainem gemuett zu streytt. Da daz
Line: 1165     erhortt Alexannder, er sanntt zu in ain soleichew geschrifft, daz sy guettes
Line: 1166     rattes pflagen vnd volgtten vnd die scheff vonn danne thatten, auch den harnasch
Line: 1167     abczugen vnd sich mer flyßen seiner liebe vnd frewnttschafft, wann daz
Line: 1168     sy ir hayl vnd geluck zu streytt wagtten. Da die fraydigenn lacedony diße brief
Line: 1169     verlasen, sy woltten sich nichtt waycken noch pyegen zu gehorsam in kain
Line: 1170     weys, sy wolttenn yee streytten vnd thetten sich all wappen zu streyttee nach
Line: 1171     dem aller pestenn. Da daz ersach Alexander, er hyess beraytten vil werffender
Line: 1172     fewr vnd thett dem volck großenn schaden. Er hett auch ain streyttczewg, der
Line: 1173     was von weyßen kchunsten gemachtt, mitt dem raychtt er vber graben,
Line: 1174     mawren vnd alle wer. Damitt fuer er in ir klawßenn vnd czerrutt all ir wer vnd
Line: 1175     thett den lacedonien so wee, daz ir kainer an seiner wer beleyben mocht; sy
Line: 1176     muesten all hynndersich weychen. Da daz sachen die lacedony, sy beraytten sich
Page: 133  Line: 1177     mitt gemainer stymb vnd ruefften vmb fride vnd ergaben sich mitt allem irem
Line: 1178     leib vnd guett Alexandro vnd patten sein kunigcleiche genade, daz er kainen
Line: 1179     vnwillen noch vbel gedanck zu in näm, wann sy woltten sein vnderthan vnd
Line: 1180     gehorsam sein. Alexander gab in gar beschaydenleich anttwuertt vnd sprach:
Line: 1181     'Ir selber wist, daz ich ewch daz gar getrewleichen geratten hab, ee ich fewr
Line: 1182     warff in ewr schyffung. Yedoch so widersprich ich nichtt die spatten rewe, so
Line: 1183     ir vmb ewr vngehorsam nembtt'. Daz volck was im gehorsam vnd raychtten
Line: 1184     im vnd seinem heere alle noͮttduerfft vnd reyche presentt. Darnach beraitt
Line: 1185     Alexander sein heere vnd kerett die rechtten strazzen in warbareya vnd fuer
Line: 1186     durch ciliciam vnd kam an Darius lanndt. Des mochttigen kunig Dary herczogen
Line: 1187     sammeltten gross heere vnd czugen wider in vnd lagen zu veldt an ainem
Line: 1188     wazzer. Als paldt daz Alexannder vernam, er kerett eyllendt zu in vnd ermanett
Line: 1189     die seinen kecken ritter zu streytt, die all mitt ganczen begierden froleich die
Line: 1190     veindt an ranntten. Da wardt großer streytt. Der perßen heer was groͮss vnd
Line: 1191     luck. Die kchryechen prachen dardurch vnd erschluegen der perßen souil, daz
Line: 1192     es vngelawbleich zu sagen ist. Lydia vnd Yconia, die grozzen herczogen, wuerden
Line: 1193     payd sigloͮs. Er czoch aber fuerpas vnd nachentt vast dem kunig Dario. Er
Line: 1194     kam piss an die enndt, die hyeßen pamphyba. Daselbs sanntt im der gross
Line: 1195     kunig Darius potten vnd nämleich ainen prief, der in dißer form geschriben
Line: 1196     was: 'Darius, ain kunig aller kunig vnd aynn mag der gotter, empewtt Alexanndro
Line: 1197     seinem dienner: Ich schaff vnd gepewtt dier, daz du von stundt wider
Line: 1198     haym farest zu deinen frewndten, meinen diennernn, vnd daz du lernest ettwas
Line: 1199     mändleichs in der schoss deiner muetter. Vnd darzue sendt ich dier ain zugel
Line: 1200     ain pall vnd pewttel mitt goldt. Der zugel bedäwtt, daz du damitt soltt angepundten
Line: 1201     werdenn, wann man hatt dier zuil muettwillens verhenngett. Darumb
Line: 1202     soltt du dich fleyßenn guetter sytten vnd die lanndt nichtt also mitt deinenn
Line: 1203     rawbern beschedigen. Mitt dem pal soltt du spilen, seydt du noch ain kchindt
Line: 1204     pist. Dier czimbtt nichtt, also mitt rawbern so große sach zeunderwindten vnd
Line: 1205     augen, wann die morder vnd schacher habentt dich verlaytt. Spil hinfuer mitt
Line: 1206     kchinden deinem geleichen vnd schympff mitt dem pall. Wann wiss:
Page: 134  Line: 1207     Hettest du zu deinem volck all soleich rawber, schacher vnd morder, so sy in
Line: 1208     aller werltt sindtt, noch dann mochttest du nichtt erschrecken die großenn
Line: 1209     machtt der perßenn, wann ich hab vil volckes in menigen meinen heeren, daz
Line: 1210     man daz zenichtte pass, dann zu dem griess des meres geleichen mag. So habe
Line: 1211     ich goldes vnd silbers souil, daz ich wol zechenn kunigkreich damitt bedecken
Line: 1212     vnd besträen mochtt. Darumbe hab ich dier auch golde gesanndt, ob du zu
Line: 1213     deiner haymfartt zerung bedorfftest vnd daz du dier vnd deinem volck dauon
Line: 1214     kawffest, was ewch zu haymfartt nott sey. Ist aber sach, daz du vnnserm
Line: 1215     gepott vngehorsam vnd nichtt von stundt geuolgig pist, so wil ich pald volck
Line: 1216     senndten, daz dich gepundten zuefuertt meiner groͮßenn maisterschafft der
Line: 1217     maiestatt vnd dich gar iamerleichen schlachen vnd hanndeln vnd dannee so ich
Line: 1218     dich wil nichtt mer hanndeln als ainen sun Phylippi, meines kchnechttes. Ich
Line: 1219     wil dich ann ain gappel vnd krewcz hencken laßenn, als ainen hawbttmann der
Line: 1220     schacher vnd rawber, wann daz gehortt dier zue'. Da Alexander die prief verlas
Line: 1221     vnd die potten gehortt hett, er besanntt all sein mächttig lewtt, magnatten,
Line: 1222     fuersten vnd hawbttlewtt, vnd liess die all lesen vnd horenn den hochen vbermuett
Line: 1223     Dary. Nun verstuendt Alexander woͮl, daz sein adel vnd mochttig vnd
Line: 1224     gross volck ab der pottschafft seer erschrocken waren vnd waren vast geren
Line: 1225     wyder haym geczogen, wann sy goldes, silbers, gestaines vnd gim souil hetten
Line: 1226     gesameltt, daz sy es kchawm gefueren mochtten. Vmb des willen warenn
Line: 1227     ettleich geren haym geczogen, ettleich thetten es vor rechtter forchtt, da sy
Line: 1228     hortten, daz Darius souil guetter ritter streyttparer hett, ettleich hietten
Line: 1229     geren gesechen ir weib vnd kchindt. Daz alles verstuendt wol Alexander vnd
Line: 1230     hueb auf zu reden mitt heller stymbe:




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.