TITUS
Alexanderroman (Johann Hartlieb)
Part No. 47
Previous part

Chapter: 46  
Paragraph: 48  
Alexanders erste Antwort an Darius

Line: 1231   Wie Allexander die seinen tröstet vnd antwurt gab mit brieffen Dario.
Line: 1232   In dem XXXXVIII


Line: 1233     'Ir kecken ritter erleichenn, latt ewch nichtt betrueben, ir von macedo vnd ir
Line: 1234     vnuerczagtten kchriechen, die hochen wortt Dary, also wann er redt nuer auss
Line: 1235     vbermuett vnd ist nichtcz hinder im dann lawtter gäwden vnd rechttew vppigkaitt.
Line: 1236     Vnd gelawbtt mier, daz in im ist kain troͮst noch manhaitt, wann hiett er
Page: 135  Line: 1237     rechttew manhaitt, er rette nichtt so gar vnweisleich. Nun wist ir, das vns die
Line: 1238     gotter nyee verlaßen habenn, wiee hartt wyer yee gestryttenn. Seydt sunder
Line: 1239     zweyffel, die goͮtter vnd ewr ellenhafft krafft vnd sterckch helffenn mier, daz
Line: 1240     ich in czwingen wil, yee wes er, guett lob vnd wyerde wir danne erlanngen.
Line: 1241     Nun wist ir doch wol, welicher hunndt vast vnd vil pellenn, daz die zu kainerlay
Line: 1242     sachee nucz oder guett sein, wann sy sindt rechtt czagen. Also pin ich
Line: 1243     sunder zweyffel, wer kain krafft hatt oder hercz hatt, der droett vast. Wist
Line: 1244     auch, daz ich klarleich ann seinen hoͮchen ruemen vnd gäwden verstee, daz
Line: 1245     mier dice gotter syg vber in geben haben. Darumb latt allen schrecken vnd alle
Line: 1246     forchtt auss ewrem herczenn vnd gedencktt, wie wier seinen großen vbermuett
Line: 1247     diemuettigen, als wier danne vor offt vnd vil andern auch gethan haben'. Mitt
Line: 1248     dißenn vnd soleichen trostleichen wortten vnd gepärdenn trost er sein heere
Line: 1249     vnd erczaygett sich so mändleich, daz sy all wider froleich hercz gewunnen vnd
Line: 1250     auch muett ann sich namen. Vnd hiett er daz nichtt gethann, so wer versechenleich
Line: 1251     gewesenn, daz heere hiett sich wyder haym geschickt. Als er nun die
Line: 1252     seinen all wol getrost hett vnd sach, daz sy von zaghaytt verr waren, da besannt
Line: 1253     er die potten kunig Dary des reichen vnd gab in zu schenck alles, daz sy im
Line: 1254     prachtt hetten vnd darzue große chlainedt vnd sanntt sy wider haym mitt
Line: 1255     guettern gelaytt. Doch so gab er in brief lawttend an kunig Darius, die dißew
Line: 1256     nachgeschribnew wortt ynnehieltten: 'Alexander, sun Phylippi vnd der kunigin
Line: 1257     Olimpiades kchindt, empewtt dem yerrdischen gott kunig Dario, der
Line: 1258     hocher leuchtett dann die sunnen mitt sambtt den gotter auss persya. Daz
Line: 1259     schreib ich dier zu schanndt vnd schmach, wann es ist gar spottleich, schympfleich
Line: 1260     vnd vngewondleich, daz ain so durchlewchttiger kunig schreybtt vnd gab
Line: 1261     senndett so ainem kchlainen menschen, als ich pin. Vnd wiee gross vnd hoch
Line: 1262     du mitt den guetten prelattenn pist, noch dann magst du tägleich nichtt vertragenn
Line: 1263     sein, du seyst von mier schaden warttendt vnd von mir dein lanndt
Line: 1264     verlieren. Nun pist du doch ain mag der sunnen vnd lewchttest mitt der sunnen
Line: 1265     vnd dem gestieren an dem himel, rechtt als die gotter der perßenn. Du soltt am
Line: 1266     ersten wißenn, wann sich die tottleichenn menschen geleichen wellen den
Line: 1267     vntodleichen gottern, daz die gotter darumb vast zornig werden, wann es
Line: 1268     zymbtt yee nichtt, daz die todleichen der vntodleichen gesellenn sein. Du soltt
Line: 1269     wißenn, daz ich ain todleich mensch pin vnd kchumb zu dier, mitt dier zu
Page: 136  Line: 1270     streytten, als mitt ainem tottleichen menschen. Vnd darumb, daz du schreibst,
Line: 1271     du seyst ain mag der goͮtter, so pin ich sunder czweyffel, dein getter werdentt
Line: 1272     dich in dem streytt verlaßenn vnd dich naygen, daz du hinfuer dich nichtt so
Line: 1273     hoch schaczest vnd deiner gotter damitt spottest. Darumb zweyffel ich nichtt,
Line: 1274     ich selb gesig an dier. Du hast auch mitt gäwdenn dich hoch gelobtt vnd dich
Line: 1275     geschriben, wiee vnsägleich gross reichtumb von goldt, gim, silber vnd gestain
Line: 1276     du habst. Damitt hast du gestercktt vnnser gemuett, vns so starck vnd
Line: 1277     fraydig gemachtt, daz vnnser aller krafft ist zwifach worden, wann wier wellen
Line: 1278     yee deinen schacz, gold, silber vnd gestain mittsambtt allem, daz du hast, mitt
Line: 1279     streytt gewunnen, wann wier sein nichtt so reich an golde, silber, kchlainadt,
Line: 1280     noch an schaczen. Wier sein aber gar vil reicher an guetten rittern, die allenn
Line: 1281     reichtumb wol verdiennen mugen. Nun wil ich pald zu dier komen vnd mitt
Line: 1282     dier streytten vnd alles dein guett geben meinen frumen rittern. Wann du aber
Line: 1283     zu mier kumpst, vnd ob du mier angesigest, daz doch nichtt mugleich ist,
Line: 1284     wann dein gotter vertragen dier nichtt solleich dein hochfartt, so vindest du
Line: 1285     dann nichcz pey mier. Was wildt du dann geben deinen rittern? Du hast in
Line: 1286     nichtt zugeben, wann daz geltt, daz du hast, daz ist mein vnd meiner ritter.
Line: 1287     Mer als du sprichst, du seyst so hoch durchlewchtt, daz du der sunnen geleich
Line: 1288     seyst vnd ich sey haubttman der rawber, schacher vnd vbeltätter, wär dem
Line: 1289     also, warumb soltt dann als ain mag der gotter mitt ainem rawber vechtten vnd
Line: 1290     streytten. Eya, was eren soltten die gotter erlanngen, so sy ainem rawber
Line: 1291     angesygtten mitt streytt. So aber ich dich, frewndt vnd mag der gotter, nyder
Line: 1292     schlach vnd dein heere mach fluchttig vnd deinew kunigkreich alle beczwing,
Line: 1293     so hab ich große ere vnd wierde, daz ich der gotter mag angesygtt hab vnd ain
Line: 1294     klainer mensch hatt dann gesygtt dem aller grösten kchayßer. Eya, was
Line: 1295     schanndt vnd laster, gespoͮtt vnd vneere du gewinest vnd ich klainer mensch
Line: 1296     gewynn danne alle deine eere. Darumb beraytt dich palde vnd wartt meiner
Line: 1297     kchunftt, wann ich wil resch vnd paldt zu dier. Du hast mier auch gesanntt
Line: 1298     kchumpruetten vonn golde, daz bedäwtt, daz die allerhochsten vnd
Line: 1299     mächttigisten kunig von persya vnd allen lannden ire kchnyee vor mier piegen
Line: 1300     werden. Du hast mier auch gesanntt ain rottund kugel vnd päl, daz bedäwtt,
Line: 1301     daz ich die ganczen scheibling rottunden der werltt alle beczwing durch dein
Page: 137  Line: 1302     guldeine presenntt, die du mier gesanntt hast, das bedawtt, daz ich vber alle
Line: 1303     kunig gesyg vnd daz sy mier all czinss vnd tributt geben mueßen.'



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.