TITUS
Alexanderroman (Johann Hartlieb)
Part No. 50
Previous part

Chapter: 50  
Paragraph: 50  
Darius' zweiter Brief an Alexander (Körner)

Line: 1346   Wie Darius aber schraib Allexandro vnd sand im vil magun kornner. L


Line: 1347     Da daz erhortt Darius, der groͮss kunig Darius, er schraib da Alexandro ainen
Line: 1348     brief lawttendt in mass, als hernach geschriben stett: 'Darius, ain kunig in
Line: 1349     persya, in aller werltt ist gelobt der namen Dary. Auch die vntodleichen
Line: 1350     gotter die lobtten seinen namen. Wie pist du so tuerstig, daz du vber mein
Line: 1351     mere, wazzer, gepirg, geuiltt, hayde, anger vnd äcker gefaren pist vnd stellest
Line: 1352     dich mitt streytt wider mich. Warest du zu deiner gepuerdt nichtt hoͮch genueg
Line: 1353     gewesenn, daz du wider mich hiettest gehaltten daz kunigkreich macedoniam.
Line: 1354     Des hatt dich nichtt benuegett, du habest gesameltt rawber vnd schacher vnd
Line: 1355     dein gesellen gemachtt vnd värest hin vnd here, die lanndt zu stoͮren vnd auch
Line: 1356     stett vnd lewtt zu verwuesten. Es wär dier vil wager, nuczer vnd peßer, du
Line: 1357     pueßest selber dein schulde vnd koͮmst dich mier zu ergeben in mein genade,
Line: 1358     dann daz ich koͮm mitt gewaltt vnd dich mitt gewaltt zu fluchtte zwing vnd
Line: 1359     dich an der fluchtt ertott. Wann samelst du mer vngenade auf dich, ich vertrag
Line: 1360     dier sy gar hartt, wie vast du hernach genaden begerest. Doch so magst du
Page: 139  Line: 1361     vonn ainem vast wol glorieren vnd gawdenn, daz du darzue komen pist, daz
Line: 1362     ich dier brief geschriben hab, wann ich allain gar den hochen vnd mächttigen
Line: 1363     mein brief senndt. Daz du auch mugest erkennen, wie groͮs, wie mächttig, wie
Line: 1364     vil vnd vnczalpär die machtt meiner ritter sey, so senndt ich dier den sack mitt
Line: 1365     magen samen. Nun schaw, so wenig du daz zelen magst, als wenig magst du
Line: 1366     die meinen ritterschafft erczelen. Darumb so kere wider umb vnd rawme mein
Line: 1367     lanndt eylenndt vnd diemuettig dein hercz, daz es hinfuer betrachtt soleichs
Line: 1368     nichtt zuthuen'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.