TITUS
Alexanderroman (Johann Hartlieb)
Part No. 51
Previous part

Chapter: 51  
Paragraph: 51  
Alexanders zweite Antwort an Darius (Pfefferkorn)

Line: 1369   Wie Allexander sand Dario ain pfeffer koren. LI


Line: 1370     Da nun die sanndtpotten vnd legatten Dary komen zu Alexandro vnd im
Line: 1371     raychtten vnd gaben die epistel vnd den sack mitt dem magenn samen, er
Line: 1372     verlas den brief vnd thett auf pindten den sack. Er grayff selber darin mitt
Line: 1373     seiner hanndt vnd näm ettleiche magen korner vnd thett sy in seinen mund
Line: 1374     vnd kchewtt sy gar kchlain.'Ich emphindt vnd merck, daz der kunig Darius vil
Line: 1375     lewtt vnd manig heere gewappens hatt volckes, aber bey dem magen samen
Line: 1376     verstee ich wol, daz alles sein volck vast waych vnd vntugleich zu streytt ist.
Line: 1377     Darumb haben ich vnd die meinen kain sorge, angst oder nott, wie wier
Line: 1378     dißenn waychen lewtten angesigenn'. Als er also stuendt, da koͮmen im potten
Line: 1379     von seiner lieben muetter, die prachtten im laydige mär, wann sy sagtten
Line: 1380     Alexandro, daz sein muetter Olimpiades kranck wär vnd mitt schwären, todtleichenn
Line: 1381     suchtten beladen vnd gefangen wär. Wiee wol im daz daz aller groͮst
Line: 1382     layde was vnd sein hercz vnd gemuott mer darab erschrack, dann ob alle werltt
Line: 1383     vor im gewappentt stuendt vnd zu streytt beraitt gestanden wärenn, yedoch
Line: 1384     schraib er widerumb Dario dem kunig in persya ain epistel, die lawtt also:
Line: 1385     'Alexander der kunig empewtt dem kunig. Als du mier vil prief gesandt hast,
Line: 1386     die zwingen mich, dier zu sagen: Du soltt nicht gedencken, gelawben, noch in
Line: 1387     dein hercze nemen, daz ich durch forchtt oder dein vppig droͮen weych von
Line: 1388     deinem lanndt, wann ich sag dier in warhaitt, daz ich allain reytt zu schawen
Line: 1389     vnd trosten mein muetter. Nichtt darumb wil ich sy sechen, daz ich ir suezz
Line: 1390     hercz ansech, darunder sy mich getragen hatt vnd mitt irem leibe generett,
Line: 1391     sunder darumb, daz sy vast beladen ist mitt kranckaitt. Daz ist mier ain großes
Line: 1392     herczenlayde vnd bekumertt mich mer dann dein vppige droewortt. Vnd in
Page: 140  Line: 1393     kchuerczer czeitt wil ich komen wider dich vnd dein hoche, vppige, hochferttige
Line: 1394     wortt mitt streytt diemuettigen. Dann vmb den magensamen, so du mier
Line: 1395     gesanndt hast, den du mainest vnmügleich sein zuczelen, dafuer senndt ich dier
Line: 1396     ain korenn pfeffers, da bey soltt du versteen, daz ain pfeffer kchoͮren mer
Line: 1397     tugendt hatt vnd stercker ist, dann aller der magensamen, so du mier gesanndt
Line: 1398     hast, wiewol sein souil ist, daz in nyemandt geczelen mag. In geleicherweyss so
Line: 1399     ist ain ritter von kchryechen tewrer, pezzer vnd strenger in streytt, dann all
Line: 1400     dein ritter in persya, vnd daz wil ich beweren, so ich erst widerkum vonn
Line: 1401     meiner lieben muetter'. Als die epistel geschribenn wardt, Alexander besannt
Line: 1402     die ambasiatten Dary fuer sich vnd gab in dißen brief vnd santt sy erleich wider
Line: 1403     zu kunig Dario. Darnach kerett sich vmb der mächttig kunig Alexander vnd
Line: 1404     fuer wider haym zu seiner lieben muetter. Darzue zwang in rechttew muetterleichew
Line: 1405     lieb vnd trew, die er zu ir hett, als dann wol pilleich ist, daz ain kchind
Line: 1406     seiner muetter in allen notten troͮst vnd ir peybestee.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.