TITUS
Alexanderroman (Johann Hartlieb)
Part No. 52
Previous part

Chapter: 53  
Paragraph: 52  
Alexander besiegt Amunta

Line: 1407   Wie Amunta, der gross haubtman, nider lag. LII


Line: 1408     Nun was zu der selben czeitt der allermachttigisten haubttman kunig Dary
Line: 1409     ainer, genanntt Amuntta, der lag mitt vast krefftigem heere in dem reich
Line: 1410     arabia. Der selb czoͮch gar mändleich gegen Alexandrum vnd trost sich der
Line: 1411     menig seiner ritter, auch daz er gar offt in manigen lannden hochen syg mitt
Line: 1412     streytt erworben hett vnd straytt gar mandleich mitt Alexannders heere. Da
Line: 1413     wuerden auf payden tayllenn vil lewtt erschlagen, doch so vielen der perßenn
Line: 1414     allczeitt ee hundertt, ee ain kchriech siglos wardt, so väst vnd kchuen wuerden,
Line: 1415     starck vnd vnuerczagtt die ritterr Alexandri. Der streytt hett sich erhaben des
Line: 1416     morgenns gar fruee vnd da wardt gestrytten gar herttigcleichenn piss die sunne
Line: 1417     mitt irem glancz vnd schein sich verparg vnder die erdee. Da vanndt Alexander
Line: 1418     den herttistenn wider standtt, den er piss here nyee funden hett. Der
Line: 1419     streytt werdt piss an den dritten tag, daz sy alle tag strytten, piss die sunnen
Line: 1420     iren schein vnder die erde verparg. Wann wieuil der perßen vielen, so was doch
Line: 1421     kain abgangk an andern rittern. Der perßen getrewer hawbttman trost die
Line: 1422     seinen gar vast. Damitt verfuertt er sy all, wann wieuil im abgeschlagen wuerden,
Line: 1423     so kamen allczeitt ander in seinen hawffen vnd in bedawchtt, er hiett
Line: 1424     nyemandt verloren, rechtt sam ain pruetthen, die vil klainer huendlein hatt,
Line: 1425     wann die verluerett vyere, funffe oder zechne, so ways sy nichtt darumbe, piss
Page: 141  Line: 1426     sy die huendlein alle verlewst. Dann klagtt sy ir verlust mitt glocker vnd
Line: 1427     gackiczenn. Also beschach auch dem ritter. An dem drytten tag straytt er aber.
Line: 1428     Da wuerden die sein nachantt all erschlagen. Als da die sunne aber vndergieng
Line: 1429     vnd iren schein verparg vnder die erde vnd nichtt angesechen mochtt daz
Line: 1430     vnmaßleichen pluett vergießen, da sach vmb sich der mächttig haubttman,
Line: 1431     genantt Amuntta, vnd fandt bey im kchawm drew hundertt mann. Mitt den
Line: 1432     begundt er fliechenn vnd ranntt vnd floch so vast vnd schneligcleich, daz er
Line: 1433     geleich kam zu den potten, die koͮmen waren von Alexandro. Vnd geleich zu
Line: 1434     der stundt, als Darius Alexanders prief in seiner hanndt hett, da kam eingangen
Line: 1435     Amuntta, der mächttig hawbttman vnd der getrew dienner Dary.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.