TITUS
Alexanderroman (Johann Hartlieb)
Part No. 53
Previous part

Chapter: 53a  
Paragraph: 53  
Darius befragt seine Boten

Line: 1436   Wie künig Darius fragt die poten von Allexander wegen vnd wie er zuͦ den magen het
Line: 1437   gesprochen. LIII


Line: 1438     Kunig Darius der fragtt sein ambasiattores, was gesprochen hiett Alexander zu
Line: 1439     dem magensamen, da er in ansach. Die getrewen pottenn pottschafft sagtten
Line: 1440     irem herren nichtt anders, dann sy gesechen vnd gehortt hetten vnd sprachen:
Line: 1441     'Allermachtigister kunig, als paldt wier anttwuertten den magensamen Alexandro,
Line: 1442     da thett er aufstricken die pandt des sackes vnd grayff selbs mitt seiner
Line: 1443     hanndt in den sack vnd nam des magensamens in den mundt. Er kchewet
Line: 1444     in vnd sprach gar spottleich: 'Des samens ist vil, aber es ist kain krafft darynne'.
Line: 1445     Da nam Darius von seinen pottenn daz pfeffer kchoren vnd thett daz kchewen
Line: 1446     in seinem mundt. Da was es vast räss, pitter, scharff vnnd sawr. Darius sprach
Line: 1447     mitt zächrenden augenn vnd sewffzendem herczen: 'Wärleich, Alexander hatt
Line: 1448     war gesagtt, wann daz pfeffer kchoren ist in dem mundt stercker vnd hatt mer
Line: 1449     kchrafft, dann daz ich den magen allen in meinem mundt zerkchewett hiett.
Line: 1450     Darumb kan ich mich nichtt verwundern von seinen hochen synnen, so er so
Line: 1451     iungk ist. Sagtt mier, ir getrewenn rätt, hatt er sich von meiner droe vnd
Line: 1452     hertten geschrifften yee betruebt, entsteltt, verkerett, oder ist er yee dar ab
Line: 1453     erschrocken, seydt er doch ways, daz vnnser machtt so gross ist?' Die poͮtten
Line: 1454     anttwuertten irem herren vnd sprachen, daz Alexander sich nyee verkerett
Line: 1455     hatt, weder mit wortten oder wercken, wann sein gepardee, rede, thuen vnd
Line: 1456     lazzenn gieng alles so geordentt zuee, daz nyemandt da kain verkeren erkennen
Line: 1457     mochtt.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.