TITUS
Alexanderroman (Johann Hartlieb)
Part No. 54
Previous part

Chapter: 54  
Paragraph: 54  
Amunta teilt Darius seine Niederlage mit
Page: 142 

Line: 1458   Wie Amunta Dario sagt von der grossen nider legung, die er von Allexandrio (!)
Line: 1459   enpfangen. LIIII


Line: 1460     Als sy die wortt Dario, dem großen kunig, gesagtt hetten, da was auch komen
Line: 1461     geflochenn von arabia der aller mächttigist hawbttmann, genantt Amuntta.
Line: 1462     Der sprach: 'Allermachttigister kunig, ich sag deiner hochen mayestatt, daz
Line: 1463     Alexander wenig ritter hatt, sy sindt aber starck vnd kchuen, wann er hatt mier
Line: 1464     alles mein guettes volck erschlagen vnd alle diee ritter, die du mier in mein
Line: 1465     hawbttmanschafft beuolchen vnd gesanntt hast, der aller lebtt kainer mer, dann
Line: 1466     allain drew hundertt. Die sindt mitt mier aus dem streytt geflochen vnd wier
Line: 1467     sein gar kchawm dauon enttrunnen, so starck vnd kchuen ritter hatt Alexander'.
Line: 1468     Da daz vernam Darius, der kunig in persya, er fragtt haimleich den
Line: 1469     haubttman Amuntta, wann er was im vast holdt durch daz, daz er souil iar daz
Line: 1470     aller pest gethan hett an dem reich Dary vnd sprach zu im: 'Lieber maister
Line: 1471     Amuntta, ich siech vast geren, daz du pey mier pist. Nu sag mier, wie wier vns
Line: 1472     erweren vor dem Alexandro vnd seinem heere'. Amuntta der haubttman
Line: 1473     sprach: 'Aller groster kunig Dary, als ich daz heere Alexander gesechen hab, so
Line: 1474     bestreitten sy alle lanndt. Darumb besameltt all ewr machtt vnd latt vns an
Line: 1475     allen orttern weren, ob wier in in daz lanndt nichtt ließen pey den hochen
Line: 1476     pirgen vnd thyeffenn wazzern. Wann kumptt er mitt seinen rittern in daz
Line: 1477     lanndt, so besarg ich, daz kain streytte im angesig, so gelertt, so gehorsam vnd
Line: 1478     geuolgig ist sein ritterschafft'. Darius sprach: 'Wie redest du so czägleich. Nun
Line: 1479     hab ich dich vor sogetanew czagwortt nichtt gehorett reden.' Amuntta sprach:
Line: 1480     'Herr, was ich deinen kunigcleichen genaden gesagtt hab, daz hab ich selber
Line: 1481     mitt großem schaden erkennett vnd gelernett. Darumb, herr, ratt ich: Senndt
Line: 1482     auss in alle lanndt vnd bestel guet lewtt vnd lass vns weren, wann es ist erst
Line: 1483     rechtte nott. Wann was ich vor yee streytt gesechen hab, daz ist alles schympf
Line: 1484     gegen der ritterschafft so hertte, als Alexander treybtt'. Da thett aufschließen
Line: 1485     manigen reichen schacz der kunig Darius vnd santt in manig lanndt nach den
Line: 1486     aller pestenn rittern, so er sy finden vnd erlangen mochtt.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.