TITUS
Alexanderroman (Johann Hartlieb)
Part No. 55
Previous part

Chapter: 55  
Paragraph: 55  
Alexander opfert den Göttern
Page: 143 

Line: 1487   Wie künig Darius grossen sold pot vmb hilf. LV. Wie Allexander den abgöttern vast
Line: 1488   danck vmb den sig. LVI


Line: 1489     Als nun der mächttig kunig Alexander in dem hertten streytt gesygtt hett, da
Line: 1490     thett er als die weysen vnd vbernam sich nichtt des geluckes, sunder er gab die
Line: 1491     ere den gottern. Er thett begraben alle die er mochtt, die dann erschlagen
Line: 1492     waren. Da wardt funden vnsagleiche reichaitt an goldt, gestain, silber vnd
Line: 1493     harnasch. Den rawb allen thett sameln Alexander vnd in mitt fueren in daz
Line: 1494     lanndt achaya. Daselbst beczwang er gar vil lanndt vnd mächttiger stett vnd
Line: 1495     nam auss den selbenn lannden sybenczechen tawßentt ritter der aller pestenn
Line: 1496     vnd gesellet die zu seinem heer, wann er in der lanngen heerfartt der seinen
Line: 1497     auch vil verloren hett. Darnach czoͮch er mitt seinem heer in daz gepirg, daz
Line: 1498     man nennett mons tauri vnd kam paldt da er vandt gar ain schonew statt, die
Line: 1499     hiess persorpolis. Darynne waren newnn der aller pesten puechtichtter. Darnach
Line: 1500     kam er in frygiam daz lanndt vnd vandt gar ain kchostleichen tempel, den
Line: 1501     hayst man den tempel der sunnen. Da thett Alexander gross oppfer vnd pettett
Line: 1502     gar andachttigcleich in dem tempel vnd dannckt vast seinen gottern, daz sy im
Line: 1503     soleichen syg verlichen hetten.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.