TITUS
Alexanderroman (Johann Hartlieb)
Part No. 70
Previous part

Chapter: 85  
Paragraph: 70  
Alexander nimmt Darius Frauen gefangen

Line: 1885   Wie Allexander die mueter Dari vnsägliche reichait in dem streit gewan. In dem LXX


Line: 1886     Alexander kam wider zu der muetter, der kunigin vnd der tochtter Dary vnd
Line: 1887     hieltt sy in groͮzzen eren vnd besacztt ir geczeltt mitt getrewen rittern, die in
Line: 1888     alle notduerfft raychtten vnd sy vor aller schmach, schanndt vnd vnczuchtt wol
Line: 1889     bewartten. Nun sultt ir wißenn, warumb der mächttig kunig Darius sein
Line: 1890     toͮchtter, muetter vnd weyb, die kunigin, mitt im zeueldt in den streytt gefuertt
Line: 1891     hett. Daz thett er vmb die sach, daz nichtt die perßenn von im fliechen soltten
Line: 1892     vnd auch er maynett, wär allew werltt komen wyder in zu streytt, er woltt auf
Line: 1893     ainen tag lewtt genueg gehabtt haben. Auch was es sytt in orientt, wann ain
Line: 1894     kunig zuueldt czoͮch, daz er weyb vnd kchindt mitt nam. Darumb hett er weyb
Line: 1895     vnd kchindt vnd sein muetter vnd shunst vnsägleiche reichaitt vnd kost mitt
Line: 1896     gefuerett. Daz nam alles Alexander an der fluchtt. Da nun Alexander kam in
Line: 1897     sein geczeltt, er begabett manigen ritter gar reichleich mitt grozzen gaben vnd
Line: 1898     machtt alle die seinen froleich mitt im vnd sprach: 'Wier sullen groͮss vest
Line: 1899     habenn vnd froleich sein, daz wier gesygtt haben. So muess mich ymmer
Line: 1900     rewen, daz hewtt souil guttter ritter zu toͮde erschlagen sindt'. Die nachtt pflag
Line: 1901     mänigcleich rwe, sunder Alexander vmbraytt sein heer selber vnd bewartt sein
Line: 1902     getrew lewtt, als im wol czäm. In der selben nachtt vyell Alexander in sein
Line: 1903     gedancken, daz er nymmer wolt rwe noch rest pflegen, er hett dann alles orientt
Line: 1904     gewalttigcleichen beczwungenn.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.