TITUS
Alexanderroman (Johann Hartlieb)
Part No. 71
Previous part

Chapter: 87  
Paragraph: 71  
Alexander erobert Syria
Page: 156 

Line: 1905   Wie er als guet ritter clagt. In dem LXXI. Wie Allexander syriam gewan.
Line: 1906   In dem LXXII


Line: 1907     Darnach bewegtt er sein heer vnd czoͮch in das lanndt syriam vnd beczwang
Line: 1908     damascum vnd gewan daz gancz landt sydoͮna vnd besazz diee statt tyrus. Da
Line: 1909     daz ersachen die fraydigen purger in der statt tyri, sy besacztten ir zynnen vnd
Line: 1910     verrigeltten ier portten vnd thoͮrr vnd widersacztten sich Alexandro vnd woltten
Line: 1911     im nichtt gehorsam sein, wann sy wartten ir statt gar mändleich. Da nun
Line: 1912     Alexander daz ersach, er woltt die statt mitt gewaltt stuermen, sunder zewg,
Line: 1913     allain von dem stegrayff. Dem widerstuenden gar vast die burger in der statt
Line: 1914     vnd laydigten gar vil der guetten kchriechen, daz sy vngeschafft von dem
Line: 1915     stuerm keren muesten. Darnach besacztt Alexander die statt erst mitt rechttem
Line: 1916     ernst vnd suechtt ratt vnd list, wie er die statt gewunn. Er sannt bey seinen
Line: 1917     scheinpoͮtten in die statt tyrum brief also lawttendt: 'Ich hab willen vnd muett
Line: 1918     gehabtt, ich soltt ewr statt mitt kchayßerleicher guett vnd miltt besezzen
Line: 1919     habenn. Aber so ir die ersten sindt, die meinem gepott nicht gehorsam seytt
Line: 1920     vnd daz verschmächentt, als die widersazzigenn, soltt ich ewch nun mitt genaden
Line: 1921     aufnemenn, so gebtt ir andern stetten gar ain grawsamleich ebenpilde vnd
Line: 1922     peyspiel. Ich wil aber ewch sechen laßenn, was krafft vnd machtt die kriechen
Line: 1923     habentt in irenn henndten. Nun thuett darynne, als ir verstett, wann die weyl ir
Line: 1924     also bestett, so mugtt ir nichtt gesygen'. Da die purger in der statt die prief vor
Line: 1925     allem volck verlasen, sy waren vast zornig auf Alexandrum vnd viengen sein
Line: 1926     potten vnd gayseltten sy peinleich vnd thetten sy henngcken an galgen zu
Line: 1927     schmach vnd schanndt Alexandro. Da daz vernam Alexander, er wardt vast
Line: 1928     betruebtt vmb sein potten, auch vmb die großenn schmach im gethann. Er
Line: 1929     besacztt die statt gar wol, daz nyemandt daraus komen mochtt vnd legtt
Line: 1930     großew arbaitt an diee statt vnd grueb durch die graben vnd warff die mawr
Line: 1931     nyder gar ain lannges ortt. Damitt vielenn in die statt die fraydigenn kchriechen
Line: 1932     vnd schluegen auf die purger. Wyee hartt sy den gestenn wyderstuenden,
Line: 1933     daz halff da alles nichtt.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.