TITUS
Alexanderroman (Johann Hartlieb)
Part No. 77
Previous part

Chapter: 100  
Paragraph: 77  
Ein Perser will Darius verraten

Line: 2086   Wie ain furst auss persia Darium wolt haben über geben vnd verraten,
Line: 2087   das aber Allexander nit wolt. LXXVII


Line: 2088     Darnach kam ain fuerst geritten von dem kunig von persya vnd santt zu kunig
Line: 2089     Alexanndro vmb glaytt. Daz wardt im versichertt. Er kam pald zu Alexandro
Line: 2090     vnd sprach: 'Kunig Alexander, man sagtt von dier, daz du gar ain getrewer
Line: 2091     belonner seyst aller der, die dier trewleich vnd wol diennen. Wildt du mier nun
Line: 2092     lonen, so wil ich dier gar ainen großen diennst thuenn'. Kunig Alexannder
Line: 2093     sprach: 'Es ist wol pilleich, daz yeder vmb sein arbaitt zymleichen lon empfach.
Line: 2094     Darumb, magst du mier zu willen gediennen, ich wil dier lonen'. Da sprach
Line: 2095     der fuerst auss persya, der da was ain mochttiger haubttman des kunigs Dary,
Line: 2096     des mächtigen kunigs: 'Alexander, gib mier deines guetten volckes zechenn
Line: 2097     tawßentt zu meinem volck, so wil ich dier kunig Darium gefangen pringen,
Line: 2098     vnd wann daz geschech, so gib mier, was du mier versprechest'. Kunig Alexander
Line: 2099     fragtt in gar beschaydenleich vnd sprach: 'Warumb wolttest du soleiches
Line: 2100     thuenn?' Der fuerst von persya sprach: 'Großmächttiger kunig Alexannder, ich
Line: 2101     hab gar lanng gedienntt dem kunig Dario vnd hab im vnnd seinem reich gar vil
Line: 2102     guettes gethann vnd er hatt mier nyee wol gethann. Ich hab auch mitt meinen
Page: 162  Line: 2103     getrewen diennsten kayn genade an im nyee mugen erlanngenn, darumb
Line: 2104     woltt ich es thuenn vnd auch vmb deinen soldt, den du mier darczue gäbst'.
Line: 2105     Alexander sprach: 'Ich danck dier, daz du soleichen guetten willen zu mier
Line: 2106     hast. Aber seydt du ain edel fuerst pist, so woltt ich nichtt, daz du so vbel
Line: 2107     tättest, wann poßhaitt vnadeltt allen adel vnd rechttew artt mag nichtt vnärtten.
Line: 2108     Darumb diennee deinem herren trewleich. Er wierdt dier woͮl lonnenn,
Line: 2109     wann ain herr hatt alczeitt wol zelonen vnd die seinenn zubegaben. Ain
Line: 2110     kchnechtt mag aber ainem herren nichtt zu allerczeitt wol gediennen. Wiss
Line: 2111     auch, daz ich vnd mein kchriechen dier noch nyemandt getrawen, der seinenn
Line: 2112     rechtten herren woltt vbergeben vnd verratten. Wier wellen kain soleichen
Line: 2113     streytt fueren, wann wier getrawenn zu vnnsern gottern vnd vnnsern ellendthaften
Line: 2114     henndten, daz wier in kchuercz alles lanndt vnd Darium darczue mitt
Line: 2115     rechttem streytt gewynnen'. Der fuerst wardt wol schamrott vnd schyed wider
Line: 2116     von dem kunig Alexander mitt gelaytt. Darnach czoch er zu kunig Dario vnd
Line: 2117     warttett seines gebottes.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.