TITUS
Alexanderroman (Johann Hartlieb)
Part No. 76
Previous part

Chapter: 98b  
Paragraph: 76  
Alexander und die roten Juden

Line: 2056   Wie Allexander kom zuͦ montes cappias, da die roten iuden sind. LXXVI


Line: 2057     Darnach zoch Alexander durch maniges endt der lanndt, die er alle beczwang
Line: 2058     vnd kam durch gar wildes gepirg vnd perg zu ainem gar hoͮchen gepirg, daz
Line: 2059     hayst monttes caspias. Da santten zu Alexandro die czechen geschlächtt der
Line: 2060     väncknuss, wann in was gepotten, daz sy auss dem gepirge nichtt komen
Line: 2061     getoͮrsten vnd sy patten, daz er in vrlawb gäb, daz sye auss dem gepirg wandeln
Line: 2062     vnd geen nach ir noͮtduerfft mochtten. Da nun Alexander fragen begundt,
Line: 2063     warumb sy also in daz gepirg verslozen waren, da wardt im gesagtt, daz sy
Line: 2064     wären geporen auss dem geschlacht ißrahel vnd daz sy die iudischen gepott vil
Line: 2065     vnd offt zerprochenn hetten vnd ires waren gottes verlawgnett vnd guldeine
Line: 2066     kchelber vnd ander soleiche pilde fuer gott ertten vnd anpetten. Er hett auch
Line: 2067     vernomen, daz die prophetten gottes in gesagtt hetten, daz sy nymmer soltten
Line: 2068     ledig vnd frey sein noch werden. Da gedachtt er, sy noch pass zuuerschließen
Line: 2069     vnd vermachen vnd sach, daz daz vnmenschleichen zuthuen wär. Darumb
Line: 2070     gedachtt er, die sach nach weyßem ratte zuhanndeln, wann er sach wol, daz
Page: 161  Line: 2071     menschenn henndt die gepirge nichtt mochtten verschließen. Da patt er fleyßigkleichen
Line: 2072     gott mitt großer andachtt, daz er im hulff, daz vngestuem volck
Line: 2073     versperren vnd vermachen. Da geschach ain gross wunderleichs czaichen,
Line: 2074     wann er verlies durch sein gottleich genad, daz zusamen gienngen zwenn die
Line: 2075     hochsten perg vnd daz gepirg in soleicher mass verschließen, daz nichtt
Line: 2076     menschleich ist daruber zekomen. Da erschain gar woͮl der wille des almoͮchttigen
Line: 2077     gottes, da dicz poss, schnodes volck hinfuer nymmermer auss dem gepirge
Line: 2078     koͮmen soltt. Aber doch list man, daz sy der anthechrist vor dem iungisten tag
Line: 2079     sy herauss fueren sol vnd aller christennhaitt großen schaden zuthuen. Nun
Line: 2080     schreibt dauonn Iosephus vnd sprichtt: 'Ach wiee wunderleich vnd gross ist
Line: 2081     gott in allenn sachen vnd in seinen wercken, so er ain soleiche große sach durch
Line: 2082     aines hayden willen thett. Was soltt er dann thuen durch aines rechttem frumen
Line: 2083     christen gepettes willen'. Darumb ist nott, daz ain yegleich mensch in notten
Line: 2084     anrueff gott vnd in pitt, so wiertt er gewertt aller der sach, der er andachttigcleichenn
Line: 2085     gott flechendt vnd pittendt ist.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.