TITUS
Alexanderroman (Johann Hartlieb)
Part No. 75
Previous part

Chapter: 98a  
Paragraph: 75  
Alexander gibt den Juden Freiheiten

Line: 2029   Wie Allexander gross wunder tett zuͦ ierusalem vnd in gross frayhaitt gab. LXXV


Line: 2030     Alexander fuer in die statt iherusalem vnd thett gott lobleichen eren mitt
Line: 2031     andachttigem gepett in dem tempel. Er gab auch in den tempel reiche opffer
Line: 2032     nach ratt vnd anweyßung des bischoffes. Da trueg man fuer Alexanndrum
Line: 2033     daz puech Daniel, der hatt geschriben, daz ain iunger käm von kchriechen vnd
Line: 2034     der wuerdt aller perßenn hochfartt nyder legen. Da daz erhortt Alexander, er
Line: 2035     was vast froͮ vnd gedachtt woͮl, daz er der selb wär. An dem andern tag
Page: 160  Line: 2036     besameltt Alexander alles iudisch volck vnd sprach zu in: 'Ewr gepott vnd
Line: 2037     leben gefalen mier so wol, daz ich ewch pilleichen eren vnd begaben sol vnd
Line: 2038     wil. Darumb pitt, waz ir weltt, des wil ich ewch geweren'. Daz iudisch volck
Line: 2039     hett groͮss lieb zu goͮtt vnd begerett allain gottes ere vnd sprachen: 'Allergenadigister
Line: 2040     kunig, wier habenn in vnnsern gepotten, daz wier den sybentten tag
Line: 2041     feyren vnd eren schullen. Durch der selben ere willen, so gib vns, daz wier
Line: 2042     albeg vnd ewigcleich an dem sybenntten iar freye sein vnd kainen zynns, gultt,
Line: 2043     tributt oder stewr geben'. Daz verlech Alexander aller iudischkaitt. Er gab in
Line: 2044     auch die freyhaitt, daz sy ir gepott vnd ee in allen lannden haltten soltten vnd
Line: 2045     daz sy daz sybendt iar frey wären. Daz alles wardt in bestätt mitt kchayßerleichen
Line: 2046     sygeln vnd briefen. Darnach fuer Alexander von iherusalem vnd beczwang
Line: 2047     gar vil lanndt vnd stett. Da nun die samaritan vernamen, daz Alexander
Line: 2048     die iuden so milttigcleich begabett hett, sy sanntten zu Alexandro vnd sprachen,
Line: 2049     sy wären nefen vnd mag der iuden vnd raytten ir vrsprung von Manaße
Line: 2050     vnd Effraym vnd patten Alexandrum, daz er in auch soleich freyhaitt gäb vnd
Line: 2051     iren tempel auch erett. Daz versprach Alexander zuthuen, wann er widerkerett.
Line: 2052     Da sy aber begertten, auch daz sybentt iar zynnss vnd gultt zu laßen vnd
Line: 2053     sy frey haltten, da sprach Alexander vnd fragtt sy, wer sy wären. Sy sprachen:
Line: 2054     'Wier sein hebreen'. Do fragtt er sy, ob sy iuden wären. Sy sprachen: 'Nayn'.
Line: 2055     Da sprach Alexander: 'Ich hab allain die freyhaitt gebenn den iuden.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.