TITUS
Alexanderroman (Johann Hartlieb)
Part No. 74
Previous part

Chapter: 98  
Paragraph: 74  
Alexander ehrt den Fürsten der Juden
Page: 159 

Line: 2002   Wie Allexander den fursten der iuden eret vnd an pett den hochen namen gottes.
Line: 2003   LXXIIII


Line: 2004     Da aber Alexander der kunig dem fuersten der priester sah gegen im geen in so
Line: 2005     fromdem gewanndt vnd mitt bischofleichen eren bekchlaydett vnd so kchoͮstleich
Line: 2006     schon geczierett, wann er hett auf seinem hawbtt ain guldein plech,
Line: 2007     darynne was geschriben der namen gottes Tetragramaton. Denn selben namen
Line: 2008     erkantt Alexannder vnd sprang schnel von dem pfardt vnd gieng zu dem
Line: 2009     bischoff allain vnd kchnyett nyder vnd pett an den namen gottes vnd wardt
Line: 2010     auch vast eren vnd wierden den bischoff Iaddus. Des erschracken gar seer die
Line: 2011     getrewen heerfuerer vnd hawbttlewtt Alexandri vnd maynntten, Alexander
Line: 2012     war vonn seiner vernunfft vnd synnen komen vnd darumb waren sy vast
Line: 2013     betruebtt vnd laydig. Ainer vnder kunig Alexannders fuersten, genantt Partenius,
Line: 2014     der kam zu seinem herren vnd sprach: 'O Alexander, wie stett dein
Line: 2015     mandleich gemuett? Warumb hast du dich genaygt vnd den man angepett? Ist
Line: 2016     dein gemuett betrogen, so wiss, das wier noͮch starck vnd mändleichs gemuettes
Line: 2017     sein, schullen wier fechtten'. Alexander sah an den getrewen Parttenium
Line: 2018     vnd sprach: 'Ir sultt frid haltten. Wiss auch, das ich dißen bischoff nichtt anpett,
Line: 2019     sunder ich pett an den hochen namen gottes, den er tregtt an seiner stierenn.
Line: 2020     Der namen ist so hoch, daz ich in pilleich anpett, wann die weyl ich noch in
Line: 2021     kchriechen was in der statt licia, die ligtt in macedo, do sach ich dißen gott in
Line: 2022     dem schlaffe vnd er sprach, ich soltt zwingen asyam vnd alles landt in orientt
Line: 2023     vnd sprach zu mier: 'var mitt frewden, wann ich wil dein heer laytten vnd
Line: 2024     fueren vnd wil dier vnder than machen alle lanndt, die Darius hatt mitt aller
Line: 2025     seinner herschaft'. Nun hab ich den selben gott seydt nyee gesechen, dann in
Line: 2026     der stieren des briesters siech ich sein gestaltt vnd ich hoff mer, mier kom alles,
Line: 2027     daz er mier versprochen hatt. Darumb hab ich gott angepetten vnd hab seinen
Line: 2028     menschen gewierdigett vnd geerett'.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.