TITUS
Alexanderroman (Johann Hartlieb)
Part No. 73
Previous part

Chapter: 97  
Paragraph: 73a  
Einzug in Jerusalem

Line: 1963   Wie Allexander zoch gen iherusalem. LXXIII (!)


Line: 1964     Als nun Alexander gewuͦnnen hett gaza vnd tyrus gancz czerstorett vnd außgerewtt
Line: 1965     hett, da bewegt er sein heer vnd czoch eyllendt gegen iherusalem. Da daz
Line: 1966     vernamen die iuden, sy waren vast betruebtt vnd laydig vnd ruefften mitt
Line: 1967     grozzer andacht zu dem almochttigen goͮtt, daz er in zu hilff käm, wenn sy
Line: 1968     westen vnd verstuenden wol, daz sy sunder gottes hilff dem groͮßenn volck
Line: 1969     Alexandri nichtt widersten mochtten. Darumb kchlagtten sy seer ir layde gott
Line: 1970     dem herrenn mitt ganczem andachttigem herczen vnd muett. Darumb da daz
Page: 158  Line: 1971     erhortt gott mitt seiner parmherczigkaytt, der allen den in notten pey bestatt,
Line: 1972     die in andachttigckleichen mitt lawtterm herczen anrueffen. Also thetten diee
Line: 1973     iuden. Sy raynigtten ir hercz mitt vasten, almueßen geben vnd petten. Sy
Line: 1974     opffertten große opffer nach ir iudischen artt. Iadus, der fuerst der priester, patt
Line: 1975     gott gar diemuettigcleich, dem volck zu helffen in dißenn grozzenn notten,
Line: 1976     wann die iuden hetten nun gewiße pottschafft, wie Alexander die statt tyrus so
Line: 1977     gar außgerewtt hett vnd alles, daz gelebtt darynne, ertoͮtt hett. Darumbe
Line: 1978     forchtten sy in gar vast vnd in den grozzen sorgen pflagen sy großer andachtt.
Line: 1979     Als nun der war, ewig gott in noͮtten der seinen kainen verlätt, kam er auch zu
Line: 1980     hilffe vnd trost daz iudisch volck, wann in der nachtt erschain gott Iaddo, dem
Line: 1981     fuersten der briester, vnd sprach zu im: 'Ich hab erhortte die andächttigen
Line: 1982     stymme des volckes vnd dein vnd wil ewch zu hilff komen. Du soltt die statt
Line: 1983     an allen portten auf thuen vnd all gazzenn mitt pluemen, krawtt vnd gras wol
Line: 1984     zyeren vnd alle häwßer nach dem schonisten becklayden mitt thebichen vnd
Line: 1985     gardin vnd vmbhengen. Du soltt auch morgenn dich anlegen vnd czieren mitt
Line: 1986     dem kchostleichenn kchlayde, als dier zutragen zymbtt vnd hayss sich yegleichen
Line: 1987     briester anlegen in sein stoͮl vnd ornatt als im zuegehorettt vnd gee du vor
Line: 1988     mitt den briestern vnd alles volck nach enttgegen dem kunigk Alexanndro vnd
Line: 1989     seinem heere.'
Line: 1990     Da Iaddus von dem schlaff erwachtt, er sagtt dem volck allem, was im in der
Line: 1991     nachtt erschinen wär. Da koͮmen pald poͮtten der iudenn vnd sprachen, daz
Line: 1992     Alexander nachentt pey der statt wär. Daz pouel vnd daz volck, auch alle
Line: 1993     briester, beschloͮßen pald im ratt, daz sy woltten gehorsam sein dem fuersten
Line: 1994     Iaddo vnd Alexandro entgegen zegeen. Die iudischenn priester wuerden pald
Line: 1995     beraytt mitt irem fuerstenn vnd giengen entgegen Alexanndro. Der was nun
Line: 1996     komen an die statt saphynn, da ist der erst puchel, da man iherusalem vnd den
Line: 1997     tempel gesechen mag. Biss zu der statt giengen die iuden enttgegen Alexandro.
Line: 1998     Da geschach gar ain gross wunder, daz weder Alexander, noch nyemandt
Line: 1999     anders, der mitt im czoch, ym synne was, wann Alexander vnd alle, die mitt
Line: 2000     zugen, hetten all ganczenn willenn, sy woltten die statt zerstoren vnd alles, das
Line: 2001     darynne lebtt, totten, als sy tyro der statt gethan hetten.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.