TITUS
Alexanderroman (Johann Hartlieb)
Part No. 79
Previous part

Chapter: 108  
Paragraph: 79  
Darius' dritter Brief an Alexander
Page: 163 

Line: 2133   Wie aber Darius schraib Allexandro vnd Allexander ym dar auff antwurtt. LXXVIIII


Line: 2134     'Darius enpewtt Alexanndro. Wier haben vernomen ainen brief vns gesanntt
Line: 2135     von den vnnßern, darynne stett vil von deiner hochfartt, wann du maynest, du
Line: 2136     wellest zu vns komen, daz du mitt vns redst. Daz mag als wenig geschechen,
Line: 2137     als wenig die goͮtter vonn orientt koͮmen in occidentt. Darumb soltt du dich
Line: 2138     nichtt zu hoch erheben an dem geluck, daz dier widerfarenn ist, wann daz ist
Line: 2139     klain vns bewegen. Wann als du gefanngen hast mein muetter muess ich
Line: 2140     gedencken, daz sy todt sey vnd lobleich zu der grebnuss bestatt. Dann vergiss
Line: 2141     ich ir, als kchindt vergeßen ir vordern. Dann von meines weybes wegen soltt
Line: 2142     du wißenn, daz ich vor czeitten auch kain weyb hett, vnd da ich nichtt weyb
Line: 2143     hett, da hett ich nichtt kchinder. Also lass ich mich aber beduncken, vnd es
Line: 2144     betruebtt mich klain, daz sy dein gefangen sindt. Mann hatt mier geschriben,
Line: 2145     daz du zu inn habest vnd erczaygest gar guetten willenn. Daran du mier kain
Line: 2146     gefallen thuest, dann peynig sy, als die kchinder deines veindtes, wann du
Line: 2147     magst in souil guettes nichtt gethuen, daz ich dein frewndt wesen oder werden
Line: 2148     welle'. Alexannder emphieng den brief vnd las in vnd begundt gar seer lachenn
Line: 2149     vnd schraib Dario wider ainen brief also lawttendt: 'Kunig Alexannder
Line: 2150     empewtt Dario dem kunig. Dein hochfartt vnd vppigkaitt vnd dein gäwdische
Line: 2151     glory haben albeg die gotter verschmächtt vnd dich darumb veindt gehabtt.
Line: 2152     Nun siech ich woͮl, daz du dauon noch nichtt laßest vnd daz du dein gotter
Line: 2153     hocher erczuernest mitt deinem scheltten. Du soltt wißenn, ob ich den
Line: 2154     deinen woͮl vnnd guettleich thue, daz thue ich nichtt von deinen wegenn, wann
Line: 2155     ich thue es von meiner selbs ere vnd glory wegenn, wann es czimbt kainem
Line: 2156     kunigk, der in notten ist, annders dann yegleichem kunigkleichem mayestatt
Line: 2157     zu erczaygenn. Wiss auch, daz ich hoff, in kchuercz pey dier zu sein. Darumb
Line: 2158     fleyss dich, mier zu danncken vmb daz guett, daz ich den deinen gethan hab,
Line: 2159     wann mein kron ist der deinen nichtt geleich. Du scheinest mitt dem gestieren
Line: 2160     an dem himel vnd woͮnest pey den gottern in irem thronn, so pin ich ain
Line: 2161     tottleich mensch vnd bedarff der genade vnd hilff, so du ir mag vnd neff pist,
Line: 2162     dem sy nichtcz versagen. Wiss, daz dißer brief der leczst ist, den ich dier senndt
Line: 2163     vnd huett dich vor mier, wann ich kum gar palt zu dier, wann alles mein
Line: 2164     gemuett streytt wider dein hochfartt. Wiss auch, soleich hochfartt, die du
Line: 2165     treybst mitt deinem schnoden leib, die gatt in daz himelreich. Was wildt du
Page: 164  Line: 2166     auss dier machen? Wayst du nichtt, daz du ain stinckendes azz pist nach deinem
Line: 2167     tode vnd dich alles dein guett verlätt. Allain dein hochfartt volgett dier nach
Line: 2168     vnd czewchtt dich zu den hellischen gottern. Daselbst pist du dann vnd all
Line: 2169     hochferttig mitt dier ain frewndt, mag vnd neff der ewigen pein'.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.