TITUS
Alexanderroman (Johann Hartlieb)
Part No. 82
Previous part

Chapter: 114  
Paragraph: 80b  
Darius' Mutter schreibt an Darius

Line: 2214   Wie die muͦter Dary im schraib vnd in warnet. LXXX (!)


Line: 2215     'Dem kunig Dario empewtt sein muetter vil frewde. Wier haben vernomen,
Line: 2216     wie du samelst ander volck vnd willen habst zu streyttenn mitt Alexanndro.
Line: 2217     Wiss, vnd mochttest du die gannczen werltt zu samen sameln, noch west du
Line: 2218     nicht, wiee es dier ergieng, wann wiss in warhaitt, daz Alexannder allen sig
Line: 2219     vber dich hatt vnd der syg ist im geben von den goͮttern. Darumb, mein
Line: 2220     liebster sun, lass voͮn deinem vbermuett vnd nayg dein hertt genick ain wenig
Line: 2221     vnd haltt nichtt souil von dier selber. Thuest du daz nichtt, so pin ich sunder
Line: 2222     zweyffel, du verlewst dein leben in ainer kchuercz von Alexannders machtt.
Line: 2223     Du soltt von vns wißen, daz er vns alle in hochen eren hatt. Lieber sun der
Line: 2224     mein, mach deiner muetter nichtt layde vnd arbaytt vnd gedenck an dein weyb
Line: 2225     vnd kchindt. Wann wildt du dich ainen mitt Alexandro, so pin ich sunder
Line: 2226     zweyffel, ich well dich mit im wol veraynigen vnd verrichtten'. Da nun Darius
Line: 2227     seiner muetter brief wol verlas, da kam im in sein hercz daz altt, edel
Line: 2228     geschlächtt seiner vordern vnd er begundt von herczen gar seer waynen vnd
Line: 2229     wardt gar vast betruebtt, daz sein hocher namen, den man yee vnd yee fuer
Line: 2230     gott gehaltten hett, nun tallengst als klain vnd ring geschacztt werden soltt vnd
Line: 2231     daz im schmach albeg wuerdt auf gehaben die väncknuss seiner muetter, seines
Page: 166  Line: 2232     gemachels vnd seiner tochtter. Er gedachtt wol, daz er ymmerwerendes leyden
Line: 2233     vnd layde dauon haben muest, wann wes weyb vnd kchindt in ander lewtt
Line: 2234     gewalt sindt, da ist pilleich manigfelttige sorg vmb verlust ir erenn. Daz alles
Line: 2235     betrachtt kunig Darius gar wol vnd darumb was sein hercz vnd krafft, muett
Line: 2236     vnd machtt wol pilleichen betruebtt vnd darumb begundt er hayss wainenn.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.