TITUS
Alexanderroman (Johann Hartlieb)
Part No. 87
Previous part

Chapter: 118  
Paragraph: 85  
Schlacht (Gaugamela?)

Line: 2387   Wie Darius sein streit an vieng. LXXXV


Line: 2388     Da schickt Darius sein hawffen vnd in dem ersten hawffenn hett er drew mal
Line: 2389     hundertt tawßenntt fuezzuolck gewappentt vnd hundertt tawßennt guetter
Line: 2390     ritter zu ross, mitt den zoch er auch in die ersten spycz. Als nun die heer so
Line: 2391     nachantt zu samen koͮmen als aines poͮgens schuss, da trost yegleicher hawbttman
Line: 2392     sein volck vnd manett yee zu dem streytt. Da wardt der streytt gar
Line: 2393     mandleichen erhaben von payden taylen vnd wardt gar herttigcleich gestrytten.
Line: 2394     Alexander vnd Darius hettenn große muee, ir volck zu trosten. Sy strytten
Line: 2395     auch payd so herttigcleichen, daz sy payd wundt wuerden. Da wardt gross
Line: 2396     getoͮss vnd michel gedoͮn von pusawnen vnd trumetten, noch dann waren die
Line: 2397     stich vnd schleg der ritter noch lawtter kchrachen. Da vyel manig werder
Line: 2398     mann in dem streytt auf payden taylen. Da was auch soleiche menig der
Page: 171  Line: 2399     schuczen, daz sy mitt irem geschoͮss vnd vergifftenn pfeylen daz gancz veldt
Line: 2400     bedacktten. Sy machtten auch in den lufften nebel vnd vinster mitt der dick der
Line: 2401     geschoss vnd pfeylen. Ettleich strytten mitt den henndten, darynnee hetten sy
Line: 2402     scharpffen schwertt, ettleich mitt den lanngenn, spyczigen lannczen. Da lag
Line: 2403     daz weytt veldt alles bestraett mitt totten vnd halb lebenden, doch so wardt gar
Line: 2404     vnsagleich mer erschlagen auf kunig Darius tayl, dann auff Alexanders tayl,
Line: 2405     dann Darius hawffen all waren so dunn vnd schytter worden, daz man an allen
Line: 2406     orttern durch sy sach. Aber Alexannders volck von kchriechen lanndt hieltt
Line: 2407     sich in soleicher mass zu samen, daz kain ross so starck yee wardt, noch ritter
Line: 2408     so kchuen darauf, der sy mochtt zutrenntt haben. Daz halff Alexandero zu syg.
Line: 2409     Da nun Darius der kunig ersach, daz auss allen seinen hawffenn vnd schwädern
Line: 2410     so vil laͤwtt gefalen waren vnd nyemandt der seinen sich mer zusamen
Line: 2411     hieltt - wann wo die kchriechen die dicke des volckes sahen, da prachen sy
Line: 2412     durch. Des wardt gewar Darius vnd gab sich zu fluchtt.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.