TITUS
Alexanderroman (Johann Hartlieb)
Part No. 86
Previous part

Chapter: 116c  
Paragraph: 84  
Alexanders Rede an sein Heer

Line: 2369   Wie Allexander die sein gar vast trost vnd die veind gar vernichtet. LXXXIIII


Line: 2370     Da nun Alexander enpfedt wardt vnd wider nach kunigcleichen eren bekchlaydet,
Line: 2371     er berueffett all sein heere vnd stuendt empoͮr vnd sprach die seinen also
Line: 2372     trostenndt: 'Vnnser volck ist an der zall nichtt zugeleichen der menig, die da
Line: 2373     haben die perßenn, aber ir sultt ab irer menig nichtt erschrecken noch sy in kain
Line: 2374     weyße furchtten, wann sy sindt gancz waych vnd krannck vnd kchunnen gar
Line: 2375     nichcz zu streytt, darumb sindt sy gar leichtt zu schlachen. Wann wie gar
Line: 2376     wenig premen iagen vnd zerstoͮren groͮzze menig der mugken, vnd doch die
Line: 2377     mugken den premen nichtcz geschaden mugen, also ist auch den perßen gegen
Line: 2378     vns, wann sy haben weder muett noch hercz vnd kchunen zu kainem streytt.
Line: 2379     Das mugtt ir daran pruefen vnd mercken: ich allain mitt werender hanndt von
Line: 2380     so groͮzzer menig koͮmen pin'. An dem andern tag do ordnnett vnd sameltt
Line: 2381     Alexander alles sein heere vnd legtt sich auf daz wazzer strannga. Da sachen
Line: 2382     nun die vnuerczagtten kchryechen Darium vnd sein heer auch zuecziechen. Da
Line: 2383     gepott Alexannder allen den seinen, daz kainer vber daz wazzer komen soltt
Line: 2384     vnd er lag so weytt wol von dem wazzer, daz die perßenn ir heere da haben vnd
Line: 2385     aufschlachen mochtten, auch daz man den streytt da auch woͮl erheben
Line: 2386     moͮchtt.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.