TITUS
Alexanderroman (Johann Hartlieb)
Part No. 89
Previous part

Chapter: 118b  
Paragraph: 87  
Darius beklagt seine Niederlage
Page: 172 

Line: 2429   Wie Darius clagt sein grosse verlust vnd wie vast er wainet. LXXXVII


Line: 2430     Darius was nun geflochen in seinen sal vnd spraytt sich auf die erde mitt seinem
Line: 2431     anttlicz vnd thett gar hoch sewffczen aus ainem betruebttem herczen vnd
Line: 2432     begundt gar vast waynen vnd sprach: 'Ach wee vnd ymmer wee, was laydes
Line: 2433     vnd yammers ist komen vber mich vnd daz mochttig reich persyam, wann wer
Line: 2434     hett gedachtt, daz ich, Darius, wär beczwungen oder ymmer yemandt vnderthan
Line: 2435     wär worden, seydt ich so mitt hochen gewaltt beczwungen vnd genoͮtt
Line: 2436     hab vnd mier gancz gehorsam gemachtt hett gar vil stett, lanndt vnd
Line: 2437     moͮchttig innsel, hab auch geherschtt vber vil sprach vnd vil lewtt. Ich pin auch
Line: 2438     so gross geweßen, daz man mich den gottern genoss vnd mag geschacztt hatt.
Line: 2439     Wie pald ist gefallen alle mein ere vnd wierde, vnd wie schnell pin ich vnnderthan
Line: 2440     worden ainem gar klainen volck. Hab ich mitt meiner hochfartt yee
Line: 2441     erczuernett die gotter, daz ist an mier wol gerochenn. Soltt mier daz vallenn
Line: 2442     kchundt sein geweßen, ich hiett villeichtt mich selb in meiner hochfartt genydertt.
Line: 2443     Aber ich hab meinen leib geczierett, darumbe leyd ich nun pilleich
Line: 2444     soleiche schnode handlung, daz ich darczue koͮmen pin. Der vor mitt pfellen
Line: 2445     vnd samadt becklaydett was ligtt yecz auf der erden vnd ist nyemandt, der
Line: 2446     mich mitt kainerlay bedeckt. Ich hab auch gedachtt, daz mier in meinem muett
Line: 2447     nyemandt mochtt geleichenn, darumb lig ich hiee vnd achtt mein nyemandt.
Line: 2448     Seydt nun ich großmochttiger kunig vmb mein hochfartt also gefallen pin, so
Line: 2449     sol pilleich kain mensch sicher sein, er vall in verschmäch vnd armuett wer mitt
Line: 2450     hochfartt sich selber erhochtt sunder zweyffel. Wann ich was in kuercz vber
Line: 2451     daz gewulcken erhochtt vnd pin in ainem tage gefallen in die thyeff thunckel
Line: 2452     aller schmach vnd schanndt, wann ich hab nun nyemandts, der meines leybes
Line: 2453     kaynn achtt hab, der vor zwain tagen so rainigcleich mitt aller zyerhaitt gehaltten
Line: 2454     was. Nun bekenn ich, daz ich meinen rechtten lon empfach, wann die
Line: 2455     gotter verschmachen die hochfartt, die haben auch mier darumb gelonett.'



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.