TITUS
Alexanderroman (Johann Hartlieb)
Part No. 90
Previous part

Chapter: 124  
Paragraph: 88  
Darius' vierter Brief an Alexander (Friedensangebot)

Line: 2456   Wie Allexandro (!) schraib vnd in da herre nennet. LXXXVIII


Line: 2457     Da nun der kunig Darius sich von der erde erhueb, da naygtt er sein hertt
Line: 2458     genyck vnd santt nach ainem schreiber vnd schraib Alexandro ainen soleichen
Line: 2459     brief: 'Darius kunig empewtt seinem herren, dem kunig Alexander, vil frewden.
Page: 173  Line: 2460     Ich gedennck an dein moͮchttigkaitt vnd guett, darumb daz du als ein
Line: 2461     mensch geporen pist, wye wol dein weyßhaitt vil menschenn weyßhaitt vbertrifft,
Line: 2462     darumb du so manigen hochen syg errungen hast. Du soltt dich auch
Line: 2463     nichtt zu hoch erheben in deinem gemuett, daz dier nichtt geschech als dem
Line: 2464     grozzmächttigen kunigk Exerses geschach, der souil maniger victory vnd
Line: 2465     syges pflag, daz es vnsagleich ist zu sagenn. Darumb wardt sein gemuett vber
Line: 2466     die rechtten mass erhocht, darumb schluegen in die goͮtter, daz er viel in gross
Line: 2467     schandt vnd schmach vnd wardt so arm, daz er vor allermanigkleich
Line: 2468     geschwechtt vnd verschmächtt wardt, wie woͮl er so reich was an goldt, daz
Line: 2469     seinem reichtumb nyemandt geschaczen mochtt. Yedoch warff in hochfartt in
Line: 2470     die ewig verspottung. Du soͮltt gedencken, daz dier die gottleich weyßhaitt syg
Line: 2471     vber mich gebenn hatt. Nun rueff ich dich an vmb genade vnd hylff. Tayl mitt
Line: 2472     mier dein erbermdt. Du wayst woͮl vnnser groͮss vnd alttcz geschlächtt vnd
Line: 2473     vnnser hochee wierde, so wier vnd all vnnßer vordern lanng gehabett haben.
Line: 2474     Gib vns wider vnnser muetter, vnnser liebenn gemachel vnd vnnser kchindt,
Line: 2475     tarumb wil ich dier geben alle die schäcze, die ich hab in dem lanndt minda
Line: 2476     vnnd was goldes vnd silbers, auch gestaines ligtt in vnnsernn zwain schaczkchamern
Line: 2477     susis vnd macyra. Da ligtt so gross guett, daz vnnser voruodern
Line: 2478     gesameltt habenn, daz es in die erde thyeff gesuncken ist. Daz alles geb ich dier
Line: 2479     willigkleichen. Ich wil dier auch geben vber diee zway lanndt persyam vnd
Line: 2480     medeam mitt allenn kunigkreichen, die darynne ligen. Des alles soltt du da herr
Line: 2481     sein vnd ich wil dier des yecz bey lebendigem leibe abtretten. Piss wol behuett
Line: 2482     vnd thuee daz durch des syges willen, der dier verlichen ist durch den mochttigenn
Line: 2483     gott Iupitter.'



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.