TITUS
Alexanderroman (Johann Hartlieb)
Part No. 93
Previous part

Chapter: 134  
Paragraph: 91  
Darius' Brief an König Porus

Line: 2536   Wie aber Darius gar ain gross volck gesammet vnd schraib vmb hilf dem kunig Poro
Line: 2537   in india. LXXXXI


Line: 2538     Da zwischen vnd Alexander den wynntter ain tayl was still gelegen, da hett
Line: 2539     Darius, der kunigk in persya, aber gesameltt gar ain vnmazzenn gross volck
Line: 2540     vnd beraitt sich aber zu streytt wyder Alexandrum. Er thett sich auch so weytt
Line: 2541     besameln, als er kchund vnd mochtt vnd gab vnsagleich gold vnd schacz auss.
Line: 2542     Darius schraib auch dem kunig Poro in dem kunigkreich india ain soleich
Line: 2543     episteln: 'Darius, ain kunig aller kunig, empewtt dem kunig Poro in india
Line: 2544     geluck vnd hayl. Vor ettleichen tagen hab ich zu dier gesanntt vnd gepetten,
Line: 2545     daz du mier zu hilff komest wyder die, die wellentt zerstoͮren vnnßern
Line: 2546     kunigckleichen sal, wann daz viechisch thyer Alexannder, der auf vns zogen
Line: 2547     ist, der hatt zu vns gar ain grymen muett vnd all sein gedancken, die wuetten
Line: 2548     als die vnden des tobennden meres. Wann ich woltt von im gelost haben
Line: 2549     vnnser muetter, weyb vnd kchinder vnd woltt im darumbe geben haben gar
Line: 2550     großenn, vnsägleichen schatz, den voͮr lanngen czeitten vnnser voruordern
Line: 2551     gesameltt habenn vnd darczue manig kunigkreich, das er aber yee nicht thuen
Line: 2552     woltt. Wie wol nun war ist, daz ich kainen willen hab zu streyttenn yecz mitt
Line: 2553     Alexanndro, yedoch so wil ich sameln volckes, so ich aller mayst mag vnnd
Line: 2554     wil mitt im streyttenn, wann ich wil lieber im streytt totter ligenn, dann daz
Line: 2555     ich sol ansechen vnd horen dice schmach an meinem geschlächtt vnd daz mein
Line: 2556     muetter, weyb vnd kchindt sullen meinem veindt sein vnnder than.
Line: 2557     Darumb so erweck ich aber dein parmherczige guett vnd rueff dich an vmb
Line: 2558     hilff, wann hilffestu mier nichtt, so pin ich der verloren, wann ich ways nyemandt
Line: 2559     mer an zurueffen. Hilff mier, tugennttreicher kunigk, vnd gedenck an
Page: 176  Line: 2560     meinen hochen namen vnd an mein altt geschlächtt vnd loss mich auss dißen
Line: 2561     angsten. Wann ich pin also versuncken in herczen layde, daz ich nichtt ways,
Line: 2562     wye ich darauss komenn mag. Sameltt mier volckes, so ir mayst mugtt vnd
Line: 2563     kombtt zu dem gepirg, daz mann nennett porttas caspias. Wann als vil ir pringt
Line: 2564     fuezzuolckes, so wil ich yedem geben alle manett drey guldein schilling vnd
Line: 2565     ainem yegleichem zu ross wil ich geben alle manett funff guldein schilling,
Line: 2566     darczue so wil ich ewch allen geben speyss vnd kost nach aller notduerfft
Line: 2567     genueg vnd auch sunderleich so verkund ich ewch, daz Alexander yeczo hatt
Line: 2568     den grosten schacz, der in der werltt ist, wann er hatt manigen vnsägleichen
Line: 2569     reichtumb zu wegen prachtt, so er souil grozzer stett vnd lanndt beczwungen
Line: 2570     vnd zerstorett hatt. Den selbenn schacz allenn mittsambtt allenn roßenn vnd
Line: 2571     harnasch die wil ich ewch auss india voraus halbe gebenn, darnach sultt ir an
Line: 2572     dem andern rawb geleiche pawtt vnd tayl haben. Auch so wil ich daz guett
Line: 2573     pfardt Purczefal mitt allenn seinem geczewg vorauss geben Poro, dann die
Line: 2574     kostleich kunigcleich kchron, zeptter vnnd annder paramentt, daz Alexander
Line: 2575     hatt, daz wil ich auch vorauss lazzenn dem kunig Poro in india. Vnd zu dem
Line: 2576     allenn wil ich dier geben alle iar zu zynnss vnd gultt hundertt vnd achczigk die
Line: 2577     aller schonisten mayd mitt allen iren geczierden, die dier diennen mitt maniger
Line: 2578     suezzen symphoney vnd dier soleich frewd machen, daz du wänest, es
Line: 2579     wär alles gottleich vnd nichtt menschleichen, soleich iubilieren vnd frolocken
Line: 2580     sy dier machen kchunden. Vnd wann du verlesen hast die episteln, so eyl vnd
Line: 2581     sawm dich nichtt lanng, wann daz fraydig thyer ligtt mier vil zu nachantt'.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.