TITUS
Alexanderroman (Johann Hartlieb)
Part No. 92
Previous part

Chapter: 124b  
Paragraph: 90  
Winterlager

Line: 2510   Wie Allexander den winter ruͦet vnd doch gar vil fremde ding erfand. In dem LXXXX


Line: 2511     Alexander lag da ettleich wynntter tag vnd pflag zuthuen gross opffer seinen
Line: 2512     gottern vnd hett groͮße vest vnd hochczeitt mitt den seinen, wann sy muesten
Line: 2513     all den gottern gar andächttigcleich opffernn. In dem selben lanndt hett auch
Line: 2514     Exerßes der hochferttig die aller schonisten pallast vnd häwßer gemachtt, die in
Line: 2515     aller werltt waren. Die selben pallast thett vnd schueff Alexander außprennen
Line: 2516     vnd zuuellen. Als nun der pallast vil gefalenn waren, da gepott Alexannder, daz
Line: 2517     man die vbrigen pallast all steen vnd vnczerprochen liess. Daz thettenn die
Line: 2518     kchriechen, wann sy waren irem herren in allenn sachen vast willig vnd gancz
Line: 2519     gehorsam. An der selbenn statt waren gar vil kostleicher greber, darein grueben
Line: 2520     die kchriechenn vnd funden gar vil kostleicher klaynnedt von goldt,
Line: 2521     gestain, guldein vnd silbrein kopff, schalen, pecher, duplett vnd shunst manigerlay
Line: 2522     väßer. Vnnder andern grebern funden sy ain kchostleich grab, daz was
Line: 2523     durchsichttig vnd lawtter, daz man dardurch wol sach alles, daz darynne was.
Line: 2524     Wann darynne lag ain totter man, dem sach man alles sein har, partt, hawtt vnd
Line: 2525     gelyder so scheinpärleich, als wär nichcz darob gewesen. Darnach komen sy
Line: 2526     gar zu ainem weytten thueren, darynne lagen gefanngen gar vil gestumeltter
Line: 2527     lewtt, die schrieren all mitt hellen stymmen: 'O Alexannder, erparme dich vber
Page: 175  Line: 2528     vns vnd mach vns ledig vnd erloss vns von dißer iamerleichen väncknuss'. Da
Line: 2529     Alexander daz leyden der armen lewtt erhortt vnd sach auch die schwären,
Line: 2530     pitternn väncknuss, da begundt er hayss waynnen. Er tayltt mitt inn sein genad
Line: 2531     vnd thett pald auf schließenn die poßenn väncknuss vnd machtt die
Line: 2532     armen duerfftigen ledig vnd hyess yegleichem geben reynnes goldes tawßentt
Line: 2533     quinttett schwär vnd welchem genomen was erb oder aygen, dorffer, geschloßer
Line: 2534     oder was ambttes oder wyerdenn er vor gehabtt hett, dem thett er es
Line: 2535     wyder gebenn vnd in sein nucz vnd gewer seczenn.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.